Tlws Adran
Tlws Adran (Saesneg: Adran Trophy) yw'r enw ar gystadleuaeth gwpan pêl-droed flynyddol aelodau cynghreiriau menywod Cymru. Cynhaliwyd y gystadleuaeth gyntaf gyntaf yn 2014, pan y'i gelwid yn Cwpan Uwch Gynghrair Merched Cymru ('Welsh Premier League Cup').[1] Yn 2021 cafodd ei ailfrandio i 'Tlws Adran'.
| Dechrau/Sefydlu | 2014  |
|---|---|
| Rhanbarth | Cymru |
| Gwefan | https://faw.cymru/adran-leagues/adran-trophy/ |
.jpg)
Mae’r gystadleuaeth yn cael ei rhedeg gyda 24 o glybiau’n cymryd rhan, gan gynnwys holl aelodau cyfrediol cynghreiriau: yr Uwch Gynghrair genedlaethol sef yr (Adran Premier), a hefyd y ddau adran rhanbarthol - Adran Gogledd ac Adran De. Ceir hefyd y posibilrwydd o geisiadau cerdyn gwyllt ychwanegol i lenwi cyfanswm y clybiau i 24. Caiff ei redeg ar ffurf twrnamaint 'curo a thrwyddo' lle bydd enillydd cymal un gêm yn mynd drwyodd i'r cymal nesa.
Noddwyr
- 2016 - 2021 - Orchard sy'n gwmni cysylltiadau cyhoeddus yng Nghaerdydd, oedd noddwyr y Tlws a noddwyr cyntaf Adran Premier.[2][3]
- 2021 - Genero, noddwyr y Tlws o 2021 ymlaen oedd cwmni trefnu digwyddiadau Genero. Nhw hefyd oedd yn noddi Adran Premier a Cwpan Pêl-droed Merched Cymru.[4]
Enillwyr
C.P.D. Merched Met. Caerdydd bu'n dominyddu'r gystadleuaeth yn y blynyddoedd cyntaf. Enillodd C.P.D. Merched Dinas Caerdydd y Tlws tair mlynedd o'r bron yn 2022, 2023, a 2024. Yn 2024, gydag ennill y Tlws, Cwpan Pêl-droed Merched Cymru ac Adran Premier bu i C.P.D. Merched Dinas Caerdydd ennill y triphlig. Dyma'r tro gyntaf i un tîm ennill y dri brif wobr safon uchaf pêl-droed menywod Cymru. Bu i ferched Caerdydd guro C.P.D. Merched Dinas Abertawe 5 - 1 ar Stadiwm SDM Glass ym Penybont-ar-Ogwr.[5]
| Tymor | Enillydd | Refs |
|---|---|---|
| 2013–14 | C.P.D. Merched Met. Caerdydd | [6] |
| 2014–15 | PILCS | [7] |
| 2015–16 | C.P.D. Merched Dinas Abertawe | [8] |
| 2016–17 | C.P.D. Merched Met Caerdydd | [9] |
| 2017–18 | C.P.D. Merched Cyncoed | [10] |
| 2018–19 | C.P.D. Merched Met Caerdydd | [11] |
| 2019–20 | Canslwyd oherydd Y Gofid Mawr - Covid-19 | [12] |
| 2020–21 | C.P.D. Merched Dinas Abertawe | [13] |
| 2021–22 | C.P.D. Merched Met Caerdydd | [14] |
| 2022–23 | C.P.D. Merched Met Caerdydd | [15] |
| 2023–24 | C.P.D. Merched Dinas Caerdydd | [16] |
Gweler hefyd
- Adran Premier - uwch gynghrair genedlaethol pêl-droed merched Cymru
- Cwpan Pêl-droed Merched Cymru
- Tîm pêl-droed cenedlaethol merched Cymru
