Rhestr o Siroedd Colorado

Rhennir talaith Colorado yn 64 sir. Mae siroedd yn unedau llywodraeth bwysig yn Colorado gan nad oes trefgorddau na mân adrannau sifil eraill. Mae gan dwy o'r siroedd hyn, Broomfield a Denver, llywodraethau dinas a sir wedi eu cydgrynhoi.

Pan ddechreuodd Tiriogaeth Colorado greu siroedd gyntaf ym 1861, roedd iddi 17 sir (Summit, Larimer, Weld, Boulder, Gilpin, Clear Creek, Jefferson, Arapahoe, Douglas, Lake, Conejos, Costilla, Park, Fremont, El Paso, Pueblo, a Huerfano ) yn ogystal â Gwarchodfa i lwyth y Cheyenne.

Ym mis Chwefror 1866, crëwyd y sir newydd gyntaf, Las Animas, ac yna Saguache ym mis Rhagfyr y flwyddyn honno. Crëwyd Bent County ym mis Chwefror 1870, ac yna Greenwood y mis canlynol. Ar 2 Chwefror, 1874, ffurfiwyd Grand County a Elbert County, ac ar 10 Chwefror, crëwyd siroedd La Plata, Hinsdale, a Rio Grande. Cafodd Greenwood ei amsugno i Bent ar 5 Chwefror. Y sir olaf i gael ei chreu dan yr enw Tiriogaeth Colorado oedd San Juan County, a gafodd ei chreu tri mis cyn i Golorado troi'n dalaith.

Erbyn i Colorado ddod yn dalaith ar 1 Awst, 1876, ^[1] dim ond 26 sir oedd ganddi. Ym mis Ionawr 1877, ffurfiwyd Routt ac Ouray, ac yna siroedd Gunnison a Custer ym mis Mawrth. Ym mis Chwefror 1879, crëwyd Chaffee County. Rhwng 8-10 Chwefror, 1879, ailenwyd Lake County yn Carbonate County. Ym 1881, crëwyd Dolores County a Pitkin County. Ym 1883, ffurfiwyd siroedd Montrose, Mesa, Garfield, Eagle, Delta a San Miguel, gan ddod a chyfanswm y siroedd i 39. Cododd y nifer i 40 ym 1885 gyda chreu Archuleta County ar 14 Ebrill. Crëwyd Washington County a Logan County ym 1887. Rhwng 19 Chwefror a 16 Ebrill, 1889, ffurfiwyd siroedd Morgan, Yuma, Cheyenne, Otero, Rio Blanco, Phillips, Sedgwick, Kiowa, Kit Carson, Lincoln, Prowers, Baca a Montezuma, gan ddod â'r cyfanswm i 55. Erbyn 1900, roedd Mineral County a Teller County wedi'u hychwanegu. Ar 15 Tachwedd, 1902, rhannwyd Arapahoe County i ffurfio Siroedd Adams a South Arapahoe, a sefydlwyd Denver fel sir ddinesig o ddognau o'r ddwy sir newydd ar 1 Rhagfyr, 1902. ^[2] Erbyn 1912, roedd Jackson County, Moffat County, a Crowley County wedi'u creu. Crëwyd Alamosa ym 1913, ac yn 2001, cydnabuwyd Broomfield fel sir ddinesig, gan ddod â'r cyfanswm i 64.

Mae'r tabl isod yn rhestru holl siroedd hanesyddol Tiriogaeth Mecsico Newydd, Tiriogaeth Utah, Tiriogaeth Kansas, a Thiriogaeth answyddogol Jefferson ^[3] a arferai fodoli o fewn ffiniau Talaith bresennol Colorado, yn ogystal â tair sir ddiffaith Tiriogaeth Colorado a thair sir ddiffaith Talaith Colorado.