Wilfried Bony
Pêl-droediwr o Arfordir Ifori ydy Wilfried Bony (ganwyd Wilfried Guemiand Bony 10 Rhagfyr 1988) sy'n chwarae i glwb Manchester City yn Uwch Gynghrair Lloegr a thîm pêl-droed cenedlaethol Arfordir Ifori.[2]
 2012 | |||
| Gwybodaeth Bersonol | |||
|---|---|---|---|
| Enw llawn | Wilfried Guemiand Bony[1] | ||
| Dyddiad geni | 10 Rhagfyr 1988 | ||
| Man geni | Bingerville, Arfordir Ifori | ||
| Taldra | 1.82m | ||
| Safle | Ymosodwr | ||
| Y Clwb | |||
| Clwb presennol | Manchester City | ||
| Rhif | 14 | ||
| Gyrfa Ieuenctid | |||
| Cyrille Domoraud Academy | |||
| Gyrfa Lawn* | |||
| Blwyddyn | Tîm | Ymdd† | (Gôl)† |
| 2006–2008 | Issia Wazi | ||
| 2007–2008 | → Sparta Prague B (benthyg) | 14 | (2) |
| 2008–2011 | Sparta Prague | 59 | (22) |
| 2011–2013 | Vitesse | 65 | (46) |
| 2013–2015 | Dinas Abertawe | 54 | (25) |
| 2015- | Manchester City | 5 | (1) |
| Tîm Cenedlaethol‡ | |||
| 2010– | Arfordir Ifori | 37 | (13) |
| * Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar 26 Ebrill 2015. † Ymddangosiadau (Goliau). | |||
Dechreuodd Bony ei yrfa gyda chlwb Issia Wazi yn Uwch Gynghrair Arfordir Ifori a llwyddodd i ddenu sylw Lerpwl lle cafodd gyfnod ar brawf yn 2007. Ond ar ôl methu sicrhau cytundeb, ymunodd Bony â Sparta Prague o'r Weriniaeth Tsiec ar fenthyg cyn sicrhau cytundeb parhaol yn 2008[3].
Ar ôl sgorio 17 gôl yn hanner cyntaf tymor 2010/11[4] gan gynnwys pum gôl mewn chwe ymddangosiad yng Nghynghrair Europa, ymunodd Bony â chlwb Vitesse yn Eredivisie, Yr Iseldiroedd ym mis Ionawr 2011[5].
Yn nhymor 2012/13 llwyddodd i rwydo 31 gôl mewn 30 gêm i fod yn brif sgoriwr yr Eredivisie a chafodd ei urddo fel Chwaraewr y Flwyddyn yn Yr Iseldiroedd cyn ymuno ag Abertawe am £12m - record i'r clwb Cymreig[6] ym mis Gorffennaf 2013.
Ym mis Ionawr 2015 symudodd Bony i Manchester City am ffi o £25m - all godi i £28m, fyddai'n golygu mai Bony fydai'r chwaraewr drytaf erioed o Affrica.[7]
