Dispneo

Dispneo (latine, dyspnœa; greke, δύσπνοια (dýspnoia)), spirmanko, senspiro aŭ aermalsato,^[1][2] estas la subjektiva simptomo de anheleco.^[3][4]

La klinika difino de dispneo estas malkomforta konscio pri ies fortostreĉo spiri. Ĉi tiu normala simptomo de trostreĉo iĝas patologia se ĝi neatendite okazas.^[3] En 85 procentoj de kazoj la dispneo ŝuldiĝas al aŭ astmo, pulminflamo, koriskemio, interstica pneŭmopatio, obstrukca korinsuficienco, kronike obstrukca bronkopneŭmopatio, aŭ psikogenaj kialoj^[4][5] — ekzemple, anksieco kaj panika perturbo.^[6] La speco de terapio tipe dependas de la subesta celo.^[7]