Gary Johnson

Gary Earl JOHNSON (naskiĝis la 1-an de januaro 1953 en Minot, Norda Dakoto, Usono) estas usona politikisto kaj komercisto.

Gary Johnson
Persona informo
Gary Johnson
Naskonomo	Gary Earl Johnson
Naskiĝo	1-an de januaro 1953 (1953-01-01) (71-jaraĝa) en Minot
Religio	luteranismo vd
Lingvoj	angla vd
Loĝloko	Taos vd
Ŝtataneco	Usono vd
Alma mater	Universitato de Nov-Meksiko • Sandia High School vd
Partio	Respublikana Partio • Libertariana Partio vd
Subskribo
Familio
Patro	Earl W. Johnson vd
Edz(in)o	Dee Johnson vd
Profesio
Okupo	politikisto • entreprenisto vd
Postenoj Postenoj guberniestro de Nov-Meksiko vd
Honorigoj Honorigoj Grand Cross of the Order of Civil Merit vd
En TTT	Oficiala retejo vd
vd	Fonto: Vikidatumoj
v • d • r

Li servis kiel la 29-a ŝtatestro de Nov-Meksiko de 1995 ĝis 2003, kiel membro de la Respublikana Partio. En 2011 (de aprilo ĝis decembro) li estis kandidato por la Respublikana nomumo por la usona prezidenta balotado de 2012, sed post malsukceso enlasiĝi en la kandidatajn debatojn, en decembro li ĉesis kandidati respublikane kaj anoncis sin kiel kandidato por la nomumo de la Libertariana Partio. Tiun nomumon li sukcese gajnis^[1], kaj en la novembra balotado li kaj la vicprezidenta kandidato James P. Gray ricevis entute 0,99% el la voĉoj donitaj, do ĉ. 1,27 milionojn. Tio estis la plej sukcesa rezulto por usona minora partio en 2012, kaj la plej sukcesa rezulto por la Libertariana Partio en la tuta historio. En 2014 li fariĝis la firmaestro de Cannabis Sativa Inc., firmao bazita en Nevado, kiu celas vendi kuracajn kanabaĵojn. La 4-an de januaro 2016, Johnson rezignis pri sia posteno ĉe Cannabis Sativa Inc., kaj la 6-an de januaro li anoncis sin kandidato por la Libertariana nomumo por prezidento de Usono en la balotado de 2016.^[2]