Iwona Blecharczyk
Iwona BLECHARCZYK (naskiĝis la 24-an de septembro 1987) – pola kamionistino kaj Jutuba influistino. La kreintino de la aŭtokanalo Trucking Girl en Jutubo, kaj kiel la modelo por knabinoj premiita kun la titolo de Barbie Shero en 2019.
| Iwona Blecharczyk | |
|---|---|
Kamionistino el Pollando | |
| Persona informo | |
| Naskiĝo | 24-a de septembro 1987 en Kosztowa |
| Lingvoj | angla |
| Ŝtataneco | Pollando |
| Okupo | |
| Okupo | kamionisto • Interreta famulo |
| TTT | |
| Retejo | https://iwonablecharczyk.com/ |
Biografio
Ŝi devenas el Ĉekarpata provinco.[1] En 2007 ŝi partoprenis en la beleco-konkurso Miss Polonia[2][3][4] kaj aperis dum la finalo de Ĉekarpata Miss Polonia en Mielec.[5][6] En 2010 ŝi diplomiĝis en universitato[7], laŭ edukado ŝi estas instruistino de la angla lingvo.[8] Ŝi vojaĝis kiel busŝoforino de Pollando al Anglio[9] kaj laboris en la vestindustrio.[10] En 2011, Iwona Blecharczyk iĝis kamionistino.[11][12][13]
En 2013 ŝi fondis la kanalon Trucking Girl en interreto en la retejo de Jutubo, kie ŝi prezentas registradojn el la kamiono kaj babiladojn pri aŭto-rilataj temoj.[14] La kanalo funkcias en du lingvoj - pola kaj angla. Polaj gespektantoj okupas proksimume duonon de la spektantaro.[15] Ekster Pollando, la registradoj estas statistike plej ofte spektataj en Germanio, Usono, Kanado kaj Britio.[16] En Instagram kaj Facebook, Blecharczyk prizorgas fanpaĝon.
En la periodo 2017-2018, Blecharczyk vojaĝis al Nordameriko (Kanado, Usono), vojaĝante interalie laŭ la Glacia Migrovojo kaj naftejoj.[17] [18]
En 2019, la firmao Mattel premiis al ŝi (kiel la dua pola virino post Martyna Wojciechowska)[19] la titolon de Barbie Shero[20][1] ; ĉi-okaze, Iwona Blecharczyk ricevis 29-cm-an pupon faritan laŭ sia propra modelo.[21] Post ŝi, en 2021, ĉi tiu distingo estis aljuĝita al Anita Włodarczyk.[22]
Ŝi hazarde estas en televido, kie ŝi gastigis la programon Przygody truckerki (eo: Aventuroj de kamionistino) por Discovery Channel[23][24][25], same kiel en aliaj Jutubkanaloj (ekz. la kanalo de Rafał Gębura 7 metrojn subtera), parolante pri profesio-rilataj aferoj. En Pollando, ĝi estis prezentita de, inter aliaj naTemat.pl[26], Viva.pl, Claudia.pl[27], Pola Radio[28], Newsweek Polska[29], PolenJournal[30] . Eksterlande, ili skribis pri Iwona Blecharczyk, inter aliaj en la Germana semajnĵurnalo Die Zeit[31], Der Spiegel Panorama[32], kanada gazeto La Presse en Montrealo[33], retejo metropolitaine.fr en Bordeaux[34] . La influistino estas engaĝita en bonfaraj agadoj kaj por la komunumo de profesiaj ŝoforoj.[35][36]
Ŝi estis invitita partopreni la TEDx.[37]
Gajnintino de la titolo La viro de la jaro – Transport Wings 2019, la titolo aljuĝita de Transport Logistyka Polska.[38][39]
Ŝi estis la ambasadorino de la marko Orlen (kun Robert Kubica, Kuba Przygoński kaj Adrienn Vogel)[40], ŝi estas la ambasadorino de: Volvo Truck[41], Eurowag, Truckerslife Foundation, same kiel la ambasadorino de la programo Trzeźwo myślę (eo: Sobrece mi pensas).[42]
En 2020, la pola eldonejo Muza publikigis 320-paĝan libron de Iwona Blecharczyk Trucking girl. 70-metrową ciężarówką przez świat (eo: Trucking-knabino. Tra la mondo kun 70-metra kamiono) ((ISBN 9788328715196) ), pri temoj similaj al ŝia interreta laboro.[43]