La libroj de ĝangaloj
La libroj de ĝangaloj (1894-1895, The Jungle Books) estas duparta libro de aventuremaj rakontoj kaj noveloj, kiujn verkis angla verkisto Rudyard Kipling, portanto de Nobel-premio pri literaturo por la jaro 1907. La unua parto estis eldonita en la jaro 1894 sub nomo Libro de ĝangaloj (The Jungle Book) kaj je unu jaro pli poste sekvis daŭrigo kun titolo La dua libro de ĝangaloj (The Second Jungle Book). Sed la fiksita nuntempa eldonista praktiko estas tia, ke ambaŭ partoj estas kutime eldonita en unu volumo.
| The Jungle Book | |||||
|---|---|---|---|---|---|
 | |||||
| novelaro • literatura verko | |||||
| Aŭtoroj | |||||
| Aŭtoro | Rudyard Kipling | ||||
| Lingvoj | |||||
| Lingvo | angla lingvo | ||||
| Eldonado | |||||
| Eldondato | 1894 | ||||
| Loko | Unuiĝinta Reĝlando (Britio) | ||||
| Eldonejo | Macmillan Publishers | ||||
| Ĝenro | didactic literature • rakontado | ||||
| Loko de rakonto | Barato • Lost city | ||||
| |||||
| |||||
Priskribo
La rakontoj okazas (krom unu el la unua libro kaj unu el la dua libro) en la pluvarbaroj de Hindio kaj moviĝas ĉirkaŭ la rilatoj de bestoj kaj homoj, ĉu temas pri frateco (Moŭgli-rakontoj), amikeco ("Riki-Tiki-Tabi") aŭ mortigo (La blanka fokedo). Multaj el la rakontoj fanfaronas pri matura tono kaj inkluzivas sufiĉe da perforto, supozeble kun la celo doni realisman senton. Ĉiu rakonto estas akompanata de poemo rilata al ĝi. La plej konataj el la rakontoj estas la tri rakontoj de la unua libro kiuj traktas la forlasitan Moŭgli kromnomata "homan hundidon" kreskigitan fare de hindaj lupoj en la hinda ĝangalo. La inspiro por la rakontoj venis de la vizito de Kipling al Penc Nacia Parko en Barato.
Enhavo de unuopaj libroj
La ĉefrolulo estas Moŭgli, homa knabo kreskanta inter la bestoj de la ĝangalo, nome sovaĝinfano. Malamiko de li estas la tigro Ŝir H.
La libro de ĝangaloj
- La fratoj de Maŭglí
- La ĉasanta Ká
- Tigro! tigro!
- La blanka otario
- Rikki-tikki-tavi
- Tumai, ŝatanto de elefantoj
- Servistoj de Ŝia Moŝto
La dua libro de ĝangaloj
- Kie aperis timo
- Miraklo de Purun Bhagat
- Invado de ĝangalo
- Tombistoj
- Ankuso de reĝo
- Quiquivern
- Rustkolora hundo
- La printempa kurado
Filmigoj
- The Jungle Book (Libro de ĝangaloj), Usono 1942, reĝisoro Zoltan Korda, en rolo de Maŭgli Sabu Dastagir,
- Maugli (Maŭglí), Sovetunio 1967, reĝisoro Roman Davydov kaj A. Zorina, animea filmo,
- The Jungle Book Usono 1967, produktoro Walt Disney, reĝisoro Wolfgang Reitherman, animea filmo,
- The Jungle Book Usono 1994, reĝisoro Stephen Sommers, en rolo de Maŭgli Jason Scott Lee,
- The Second Jungle Book: Mowgli & Baloo (La dua libro de ĝangaloj: Maŭglí kaj Balú), Usono 1997, reĝisoro Duncan McLachlan, en rolo de Maugli Jamie Williams,
- The Jungle Book 2 (Libro de ĝangaloj 2), Usono 2003, produktoro Walt Disney, reĝisoro Steve Trenbirth, animea filmo.
Vidu ankaŭ
Eksteraj ligiloj
- The Jungle Book - angla teksto (Project Gutenberg),
- The Second Jungle Book - angla teksto (Project Gutenberg),
- The Jungle Book Collection - angle,
- Knihy odvahy a dobrodužství Arkivigite je 2008-03-08 per la retarkivo Wayback Machine - ĉeĥe.