Xavier Dolan
Xavier Dolan (naskiĝis la 20-a de marto 1989 en Montrealo, Kebekio, Kanado) estas kanada reĝisoro, produktoro, aktoro, kaj scenaristo.
| Xavier Dolan | |
|---|---|
 | |
| Persona informo | |
| Naskiĝo | 20-an de marto 1989 (35-jaraĝa) en Montrealo, Kebekio |
| Lingvoj | franca |
| Ŝtataneco | Kanado |
| Familio | |
| Patro | Manuel Tadros |
| Okupo | |
| Okupo | filmreĝisoro • aktoro • scenaristo • filmproduktoro • filmmuntisto • dublaktoro • filmaktoro • reĝisoro de muzikvideo • kostumdezajnisto • televida aktoro |
| TTT | |
| Retejo | http://www.xavier-dolan.com/ |
Biografio
Dolan estas la filo de Geneviève Dolan kaj kebekia aktoro kaj kantisto de egipta origino, Manuelo Tadros. Li komencis sian karieron en la aĝo de ses jaroj en televido, per dudek anoncoj por apotekoj Jean-Coutu Kebekio, efektivigitaj de André Mélançon.
En 2008, je la aĝo de 19, li skribis kaj direktis sian unuan filmon "Mi mortigis mian patrinon" (J'ai tué ma mère), danke al kiu li ricevis tri premiojn en la Festivalo de Cannes en 2009. La sama Dolan diris, ke li verkis la skripton je la aĝo de dek ses, bazite sur siaj propraj spertoj kaj miksante ilin kun fikcio.
Lia dua filmo, Les Amours imaginaires estis liberigita en 2010. Por ĉi tiu dua laboro, Xavier Dolan tenis la poziciojn de reĝisoro, produktanto kaj aktoro, kaj superinpektisto faka pri kostumoj kaj arta direkto. Tiu filmo premiere prezentiĝis en la Un Certain Regard kategorio ĉe la 63 Festivalo de Cannes en majo 2010, ricevante aplaŭdadon. Lia tria filmo, Laurence anyways estis liberigita en 2012. Ĝi estas romantika dramo kiu rakontas la historion de transseksigita virino kaj ĝia edzino en 1990. Tiu filmo estis selektita, denove, en sekcio Un Certain Regard en Cannes 2012.
En majo 2012, Dolan anoncis ke lia kvara filmo estus adapto de Michel Marc Bouchard de la teatraĵo "Tom ĉe la Farmo" (Tom à la ferme)[1]. Ĝi ricevis sian mondan premieron en la ĉefa konkursekcio ĉe la 70-a Festivalo de Venecio la 2an de septembro 2013.
Dolan per la filmo "Mommy" de 2014 ricevis la Premion de la Ĵurio en la ĉefa konkursekcio ĉe la Festivalo de Cannes de 2014 dividante ĝin kun la filmo de Jean-Luc Godard "Adiaŭ al Lingvo" (Adieu au Langage)[2].
Persona vivo
Dolan identiĝas kiel gejo, kaj priskribis J'ai tué ma mère kiel duon-membiografia[3].
Filmaro
Reĝisoro, produktoro, scenaristo
- 2009 : J'ai tué ma mère
- 2010 : Les amours imaginaires
- 2012 : Laurence Anyways
- 2013 : Tom à la ferme
- 2014 : Mommy
- 2016 : Juste la fin du Monde
- 2016 : The Death and Life of John F. Donovan[4]
Aktoro
- 1997 : J'en suis ! de Claude Fournier : Édouard Samson
- 1999 : Le Marchand de sable de Nadine Fournelle (mallonga filmo) : Jeune garçon
- 2001 : La Forteresse suspendue de Roger Cantin : Michaël
- 2006 : Miroirs d'été de Étienne Desrosiers (mallonga filmo) : Julien
- 2007 : Suzie de Micheline Lanctôt : Punk
- 2008 : Martyrs de Pascal Laugier : Antoine
- 2009 : J'ai tué ma mère de Xavier Dolan : Hubert Minel
- 2010 : Les amours imaginaires de Xavier Dolan : Francis
- 2010 : Good neighbours de Jacob Tierney : Jean-Marc
- 2013 : Tom à la ferme de Xavier Dolan : Tom
- 2014 : Miraculum de Podz : Étienne
- 2014 : La chanson de l'éléphant de Charles Binamé : Michael Aleen
Referencoj
Bibliografio
- Stéphane Delorme kaj Jean-Philippe Tessé, «Le conquérant. Entretien avec Xavier Dolan», Cahiers du cinéma, №660, Paris, octobre 2010, paĝo 74-75.
- Bruno Dequen « Table ronde sur le renouveau du cinéma québécois » Arkivigite je 2012-02-20 per la retarkivo Wayback Machine, Nouvelles Vues, №12 (printemps-été 2011).
- Pierre-Alexandre Fradet, «Xavier Dolan», Séquences, №279, juillet-août 2012, 46-47.
- Jean-Pierre Sirois-Trahan, «La mouvée et son dehors : renouveau du cinéma québécois», Cahiers du cinéma, №660, Paris, octobre 2010, paĝo 76-78.
- Jean-Philippe Tessé, «Love, etc.», Cahiers du cinéma, №660, Parizo, oktobro 2010, paĝo 72-73.