Entoloma sepium
Entoloma sepium Entolomataceae familiako onddo espezie bat da.[1] Egosi ondoren bere koko-intxaur usaina nabarmentzen da. Bere zapore meleka ezkutatzeko, beste espezie batzuekin nahastuta kontsumitzea gomendatzen da.
Entoloma sepium | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||||||||||||
Sailkapen zientifikoa | ||||||||||||||||||||||||||||
Erreinua | Fungi | |||||||||||||||||||||||||||
Klasea | Agaricomycetes | |||||||||||||||||||||||||||
Ordena | Agaricales | |||||||||||||||||||||||||||
Familia | Entolomataceae | |||||||||||||||||||||||||||
Generoa | Entoloma | |||||||||||||||||||||||||||
Espeziea | Entoloma sepium C. Richon eta E. Roze, 1880 | |||||||||||||||||||||||||||
Mikologia | ||||||||||||||||||||||||||||
|
Sinonimoak: Agaricus clypeatus, Agaricus prunarii, Agaricus sepius, Entoloma clypeatum var. sepium. Rhodophyllus clipeatus, Rhodopyllus sepius.
Deskribapena
Kapela: 3 eta 10 cm bitarteko diametrokoa, kanpai itxurakotik ganbil irregularrera, ia laua, itxura mehekoa baina sendoa, titi kamutsa, ertza ez oso haragitsua. Kapelaren azala leuna, ez oso distiratsua, zertxobait higrofanoa, ia zuria eguraldi lehorrean, geroago grisa edo marroi argia.
Orriak: Dekurrente samarrak, gaztetan zuriak eta arrosa kolorekoak espora-jalkinaren ondoren.
Orri dekurrenteak: Hanka ukitzeaz gain beherantz jarraitzen duten orriak.
Hanka: 10 eta 15 cm bitarteko garaierakoa, okerra, oinarrira loditua, zurixka, luzetarako fibrila gorrixkekin.
Haragia: Zuria, baina gorri bihurtzen da higadura edo intsektuen ziztaden ondoren. Zapore meleka du, usaina kokoarena edo zerbait irintsua.[2]
Etimologia: Entoloma terminoa grekotik dator: ertza barrurantz biribildua. Sepium epitetoa berriz latinetik dator, sepia esan nahi duen “sepia” hitzetik. Bere koloreagatik.
Jangarritasuna
Erdipurdiko jangarria.[3]
Nahasketa arriskua
Entoloma clypeatum delakoak, gris-horixka koloreko kapela du, higrofanoagoa, oina ez du hain fibrilosoa eta kalitate hobekoa da. Entoloma lividum-ek kolore argiagoa du, orriak isokin kolorekoak (ez arrosak), udazkenean ateratzen da eta toxikoa da. Entoloma niphoides, txikiagoa da eta irinaren usain gehiago du. Calocybe gambosa ere udaberrian ateratzen da.[4]
Sasoia eta lekua
Udaberrian, Soropildua, oina beste batzuei batua. Errosazeoen azpian: arana, elorri zuria …
Banaketa eremua
Europa, Japonia.[5]