Pjotr Iljitj Tjajkovski

Pjotr Iljitj Tjajkovskij (russiskt: Пётр Ильич Чайковский – Pjotr Il’ič Čajkovskij, lurta; á enskum Pyotr Ilyich Tchaikovsky^[1];føddur 7. mai 1840^[a] í Votkinsk í Russlandi, deyður 6. november 1893^[b] í St. Pætursborg) var russiskt tónaskald frá romantiska tíðarskeiðinum. Hann ein av teimum kendastu romantisku tónaskøldunum og hitt best umtókta russiska tónaskaldið nakrantíð.^[2]

Verk

Tjajkovskij skrivaði 6 symfoniir, 11 operaverk, 3 ballettir, 5 svitur, 3 klaverkonsertir, 1 violinkonsert, 11 tónaverk av overtura slagnum, 4 kantatur, 20 kórverk, nøkur tónleikaverk fyri strúkarar og fleiri enn 100 løg og klaververk.

Kendastu verkini munnu vera 1. klaverkonsertin frá 1875, tær seinastu tríggjar symfoniirnar (1877-1893), violinkonsertin frá 1878, operaverkið Evgenij Onegin (Евгений Онегин) frá 1878, og tær tríggjar ballettirnar, Svanavatnið (Лебединое озеро)" frá 1876, "Tornurósa (Спящая красавица)" frá 1889 og "Nøtubrótarin (Щелкунчик)" frá 1892.

Myndir

Húsið í Votkinsk, har Tjajkovskij var føddur, er í dag eitt savn til minnis um tónaskaldið.
Tjajkovskij í 1863 sum ungur maður.
Tjajkovskij um 1874.
Tjajkovskij í 1888.
Seinasta myndin sum er tikin av Tjajkovskij, er frá 1893.
Standmynd av tónaskaldinum í býnum Simferopol á Krim hálvoynni.