Utjouwerij Elikser

It bestean fan sa'n útjouwerij yn Fryslân hat laat ta de publikaasje fan frijwat (benammen Frysktalige) boeken dy't oars it ljocht nea sjoen hawwe soene om't se op kommersjeel mêd eins gewoan net libbensfetber binne. Dêrûnder binne Fryske oersettings fan sokke klassikers as The Hobbit fan J.R.R. Tolkien, Koning van Katoren fan Jan Terlouw, Tess of the d'Urbervilles fan Thomas Hardy en The Canterbury Tales fan Geoffrey Chaucer, mar ek minder bekende wurken, lykas de fantasy-roman Yn it Skaad fan de Wolf, fan 'e Amerikaanske skriuwster Lois McMaster Bujold.

Yn 2010 kaam by Elikser it 250ste boek út. Datselde jiers sette de útjouwerij ek útein mei de publikaasje fan e-boeken, en waard yn 'e mande mei de Digitale Bibleteek foar de Nederlânske Letteren en Tresoar in rige fan 50 Fryske klassikers op 'e nij útbrocht ûnder de namme Nije Biblioteek. Skriuwer Guido Bindels wûn, ek yn 2010, de Publykspriis foar it bêste sportboek fan dat jier mei syn biografy fan hurdfytser Teun van Vliet, dat in útjefte fan Elikser wie.

• 
  de Bhagavad Gita
• 
  Blomlêzing út 'e Spaanske Poëzij
• 
  De Canterbury Ferhalen
• 
  David Copperfield
• 
  De Fal fan Camelot
• 
  Fergút
• 
  Fier fan Alle Drokte
• 
  Floaris en Blankefloar
• 
  De Griene Ierde
• 
  De Hobbit
  (1e printinge)
• 
  De Hobbit
  (2e printinge)
• 
  Yn it Skaad fan de Wolf
• 
  Kening fan Katoaren
• 
  De Lytse Prins
• 
  Marike fan Nijmegen en Elkenien
• 
  Moriaan, de Swarte Ridder
• 
  De Pest
• 
  In Reis nei de Moanne
• 
  De Roman fan Walewein
• 
  De Striid tusken Froasken en Mûzen
• 
  Sint Brandaan yn Fjouwerfâld
• 
  Tess fan de D'Urbervilles
• 
  De Tiidmasine
• 
  De Tocht fan de Argonauten
• 
  Ut Beda syn HEGA

• (ned) Offisjele webside fan Utjouwerij Elikser