Albert Fry
Bhí cáil ar Albert Fry (1940 - 5 Bealtaine 2021) mar ghníomhaí teanga, cheoltóir, ailtire agus mar pheileadóir.[1] Bhí dáimh mhór aige le Gaeltacht Thír Chonaill, áit a raibh teach aige i Mín Corrbhaic, gar do Chroithlí (Loch an Iúir).[2] Chuir sé cúpla glúin faoi dhraíocht leis na leaganacha cruinne binne a bhí aige de chuid d'amhráin mhuintir Rann na Feirste.[3][4]
| Beathaisnéis | |
|---|---|
| Breith | 1940 |
| Bás | 2021 80/81 bliana d'aois Béal Feirste, Northern Ireland  |
| Gníomhaíocht | |
| Gairm | innealtóir |
| Teangacha | An Ghaeilge |
Saol
Tógadh le Béarla Albert Fry i mBéal Feirste. Chuir sé suim sa Ghaeilge nuair a bhí sé ina ghasúr óg, agus thosaigh sé ag triall ar Ghaeltacht Rinn na Feirste i dTír Chonaill, áit ar fhoghlaim sé amhráin an cheantair sin.
Fear mór CLG ab ea é. D’imir sé do Na Piarsaigh agus d’Aontroim le linn na 1950idí agus na 1960idí.
Láithreoir raidió agus teilifíse ab ea é chomh maith.
Ba é an chéad duine ón Tuaisceart a bhí ina uachtarán ar Chonradh na Gaeilge agus bhí sé an-ghníomhach i dtólamh i gCumann Chluain Ard Bhéal Feirste.
Bhí baint mhór ag Albert Fry le bunú agus forbairt Bhunscoil Phobal Feirste sna 1970idí, an chéad Ghaelscoil sa Tuaisceart.
Sa bhliain 2015, bronnadh Gradam Mhic Ádhaimh ar Fry.[5]
Ceol
Chuir Gael Linn roinnt singil agus albam dá chuid amach sna 1960idí agus 1970idí.