Acuario (astroloxía)

Augadeiro^[1] ou Acuario^[2] (♒︎) é o undécimo signo astrolóxico do zodíaco, o sexto de natureza positiva e o cuarto de calidade fixa, xunto con Touro, León e Escorpión.^[3][4] Simboliza a revolución e o seu símbolo representa a sabedoría no ser. O signo está representado polo carrexador de auga, xa que na antiga Sumeria este era un símbolo da difusión da sabedoría (a auga); pertence xunto a Xémini e Libra ó elemento ar.^[5] O seu signo oposto é León.^[6] Acuario foi tradicionalmente gobernado polo planeta Saturno, mais dende o descubrimento do planeta Urano, este considerouse o seu rexente. Ó ser o décimo primeiro signo do zodíaco, Acuario asóciase coa 11.ª casa astrolóxica.

Acuario
Símbolo zodiacal	O carrexador de auga
Duración (Tropical)	20 de xaneiro - 18 de febreiro (2024, UTC)
Duración (Sideral, hindú)	14 de febreiro - 14 de marzo (2024, UTC)
Constelación	Acuarioº
Elemento	Ar
Calidade zodiacal	Fixo
Domicilio	Urano e Saturno
Detrimento	Sol
Exaltación	Plutón
Caída	Neptuno
[ editar datos en Wikidata ]