Aeroporto João Paulo II
O aeroporto João Paulo II (IATA: PDL, OACI: LPPD) é un aeroporto internacional situado na illa de São Miguel, no arquipélago portugués dos Azores. Atópase a 2 quilómetros ao oeste do centro da cidade de Ponta Delgada e trátase do principal aeroporto dos Azores, ademais de ser o quinto máis grande de Portugal.
Aeroporto João Paulo II | |||
|---|---|---|---|
 | |||
| |||
| Sumario | |||
| Tipo | público | ||
| Propietario | goberno de Portugal | ||
| Operador | ANA Aeroportos de Portugal | ||
| Cidade/Illa | Ponta Delgada | ||
| Localización | Relva | ||
| Elevación (msnm) | 79 metros / 259 pés | ||
| Coordenadas | 25°41′52″O / 37.741944444444, -25.697777777778 | ||
| Web | |||
| Pista(s) | |||
| Dirección | Longo | Superficie | |
| metros | pés | ||
| 12/30 | 2 497 | 8 192 | asfalto |
| Estatísticas (2016) | |||
| Pasaxeiros | 1 515 479 | ||
Opera voos domésticos regulares cara todas as illas dos Azores, ademais de cara Madeira e o continente (principalmente a Lisboa, Porto e Faro). O aeroporto de João Paulo II Airport tamén opera voos internacionais cara Europa e Norteamérica. É o principal centro de conexións para o grupo de aeroliñas SATA Group, ao que pertencen SATA Air Açores e Azores Airlines, e dende abril de 2015 é unha base para Ryanair.[1]
Historia
O aeroporto inaugurouno o presidente portugués Américo Tomás o día 24 de agosto de 1969 despois de que se planease a súa construción seis anos antes, en 1963.[2] No momento da súa apertura era coñecido como aeroporto de Nordela debido á súa localización no extremo norte de Ponta Delgada e a súa pista tiña 1 800 metros de lonxitude. Foi construído para realizar conexións entre as illas e o continente usando un único Boeing 737 de TAP Portugal.[2]
En maio de 1995, na inauguración da nova terminal, o aeroporto recibiu o seu actual nome na honra da visita do papa Xoán Paulo II aos Azores en 1991.
Aeroliñas e destinos
| Aeroliñas | Destinos |
|---|---|
| Azores Airlines | Boston, Frankfurt, Lisboa, Porto, Praia, Toronto-Pearson Estacional: Barcelona, Londres-Gatwick, Montreal-Trudeau, Providence |
| Azores Airlines operado por SATA Air Açores | Funchal, Gran Canaria Estacional: Faro |
| Delta Air Lines | Estacional: Nova York-JFK (comeza en maio de 2018)[3] |
| Germania | Estacional: Düsseldorf (comeza en maio de 2018) |
| Niki | Düsseldorf |
| Primera Air | Estacional: Billund, Copenhague, Oslo-Gardermoen, Estocolmo-Arlanda |
| Ryanair | Lisboa, Londres-Stansted, Porto Estacional: Hahn |
| SATA Air Açores | Corvo, Flores, Graciosa, Horta, Pico, Santa María, São Jorge, Terceira |
| TAP Air Portugal | Lisboa |
| TUI fly Belgium | Estacional: Bruxelas |
| TUI fly Netherlands | Estacional: Ámsterdam |