Cinto de asteroides
O Cinto de asteroides é unha zona do espazo entre Marte e Xúpiter onde se localiza un gran número de asteroides. O maior deles é 1 Ceres.
É o cinto principal de asteroides, xa que existen concentracións de planetoides en áreas como, por exemplo, o espazo entre Xúpiter e Neptuno, onde se localizan os centaurus.
Orixe
Crese que, durante o primeiro millón de anos da historia do sistema solar, os planetas formáronse por agregación de planetésimos. As colisións sucesivas levaron aos típicos planetas rochosos e aos de núcleo gasoso.
No entanto, nesta zona do sistema, a forte gravidade de Xúpiter imposibilitou as últimas fases, e os planetésimos non conseguiron agruparse nun único planeta. Así, continuaron a orbitar o Sol como antes. Neste sentido, o cinto de asteroides pode ser considerado unha reliquia do sistema solar primitivo, aínda que moitas observacións apunten a unha evolución das condicións físicas, polo que os asteroides non poden ser considerados como obxectos estáticos. Pola contra, crese que os obxectos do cinto de Kuiper sufriron poucas alteracións desde a formación do sistema solar.
Lista de asteroides identificados
(Lista incompleta)
- 1 Ceres
- 2 Pallas
- 3 Xuno
- 4 Vesta
- 5 Astrea
- 6 Hebe
- 7 Iris
- 8 Flora
- 9 Metis
- 10 Hygiea
- 11 Parténope
- 12 Vitoria
- 45 Euxenia
- 55 Pandora
- 253 Matilde
- 433 Eros
- 1160 Illyria
- 1967 Menzel
- 3899 Wichterle
- 3931 Batten
- 6472 Rosema
- 12252 Gwangju
- 29346 Mariadina
Outros obxectos no cinto de asteroides
O cinto de asteroides contén outros corpos, como os cometas de tipo 'Main belt' (Cinto principal).[1]
Outras características da zona
Datos do Telescopio Espacial James Webb sobre o Cometa Read, do tipo Main Belt,permitiron determinar en 2023 que os obxectos da zona poden conservar auga en forma de xeo.[1]