Euskal Herria Bai
Euskal Herria Bai é o nome dunha coalición coa que as forzas políticas de Iparralde Abertzaleen Batasuna, Eusko Alkartasuna e Batasuna concorreron ás eleccións lexislativas francesas de 2007 a iniciativa de Abertzaleen Batasuna.
| Euskal Herria Bai (EHBai) | |
|---|---|
| Coalición de Eusko Alkartasuna, Batasuna e Abertzaleen Batasuna no País Vasco francés | |
 | |
| Dirixentes e organización | |
| Líder | Non ten |
| Mocidades | Non ten mocidades propias |
| Historia | |
| Fundación | 2007 |
| Posicións políticas | |
| Ideoloxía | Independentismo vasco Esquerda |
| Representación | |
| Representación | Sen datos |
| Outros datos | |
| Sede | Non ten |
| Na rede | |
| www.ehbai.eus | |
Desta formación quedou fóra o Partido Nacionalista Vasco, xa que tralo atentado de Barajas sucedido en Madrid o 31 de decembro, decidiu non ir ás eleccións na mesma lista que Batasuna.
De todas xeitos os tres partidos da coalición manteñen as portas abertas ó PNV, segundo manifestaron na súa presentación.
As principais bases do seu programa político son:
- O recoñecemento e respecto ó País Vasco. Recoñecemento a decidir o seu futuro.
- Só se consideran válidos os métodos democráticos e políticos para acadar obxectivos.
- Un marco institucional propio, que vaia máis aló dun departamento propio para o País Vasco francés.
- Recoñecemento do éuscaro como lingua cooficial do territorio xunto ó francés.
- A elaboración e defensa dunhas políticas sociais progresistas (segundo eles non sería obstaculo para a incorporación do PNV).
Resultados electorais
En 2007 presentouse ás eleccións lexislativas francesas, conseguindo na primeira volta máis de 10.600 votos[1]. Os seus mellores resultados foron na IV circunscrición (sur de Lapurdi) acadando o 9,09% dos votos. Así mesmo a coalición abertzale conseguiu ser a forza máis votada en seis localidades (Muskildi, Ozaze-Zühara, Bunuze, Gamarten, Izura-Azme, Lexantzü). Porén, non conseguiu pasar á segunda volta en ningunha das tres circunscricións vascas e deixou en mans dos seus votantes a quen votar na segunda volta[2].
Debido ós bos resultados a coalición traballa de cara ás municipais e cantonais onde si poderá ser unha forza de importancia.
Resultados por circunscrición:
- Marie-Léonie Aguergaray obtivo o 6.32% dos votos na IV circunscrición (sector Oloron - Maule - Donibane Garazi).
- Miguel Torre obtivo o 4.50% dos votos na V circuscrición (Baiona).
- Beñat Elizondo obtivo o 9.09% dos votos na VI circunscrición (Biarritz-Hendaia).