Fungos da ambrosía

Os fungos da ambrosía son fungos simbiontes dos escaravellos da ambrosía como por exemplo o escaravello Euwallacea fornicatus.^[1]

Hai ducias de especies de fungos da ambrosía, actualmente situados nos xéneros polifiléticos Ambrosiella, Rafaellea e Dryadomyces (todos dos Ophiostomatales, Ascomycota), entre outros.^[2] Probablemente quedan por descubrir moitas máis especies. Sábese pouco da súa ecoloxía e sobre a súa especificidade respecto a cada especie de escaravello. Os fungos da ambrosía pénsase que dependen do transporte e da inoculación proporcionada polos seus escaravellos simbiontes, xa que non se atoparon en ningún outro hábitat. Todos os fungos da ambrosía son probablemente asexuais e clonais.^[3]