Plants vs. Zombies
Plants vs. Zombies é un videoxogo desenvolvido e publicado orixinalmente por PopCap Games para Microsoft Windows e OS X. O xogo trata do dono dunha casa que emprega unha gran variedade de plantas para previr que un exército de zombis entre na súa casa e lle coman o cerebro. Foi estreado por vez primeira o 5 de maio de 2009, e estivo dispoñible en Steam o mesmo día.[1][7] A versión para iOS foi estreada en febreiro de 2010, e tamén unha versión HD para o iPad.[8] Unha versión estendida para Xbox Live Arcade que introduce novos modos de xogo foi estreada o 8 de setembro de 2010.[4] PopCap estreou unha versión para Nintendo DS o 18 de xaneiro de 2011 con contido único para a plataforma.[9] A versión para PlayStation 3 foi estreada en febreiro de 2011 ademais dun modo cooperativo para a versión Xbox 360. Unha versión de Android foi estreado o 31 de maio de 2011 en Amazon Appstore, mentres que se estreou ó mercado Android (hoxe Google Play) o 14 de decembro de 2011.[10] O 16 de febreiro de 2012 foi estreada unha versión para BlackBerry PlayBook.[5] Posteriormente, unha versión para o teléfono intelixente BlackBerry foi estreada en xaneiro de 2013 co lanzamento de BlackBerry 10.[6] Por outra banda, ámbalas dúas versións orixinais do xogo, para Windows e Mac foron relanzadas con contido engadido para a versión Game of the Year. En xaneiro de 2015, foi estreada unha versión con publicidade para iOS.[11]
Plants vs. Zombies | |
---|---|
Desenvolvedor(es) | PopCap Games |
Distribuidora(s) | Electronic Arts |
Deseñador(es) | George Fan |
Compositor(es) | Laura Shigihara |
Motor | PopCap Games Framework |
Lanzamento | 2009 |
Xénero | Defensa de torres |
Modos de xogo | Un xogador, Multixogador |
Clasificación | PEGI CERO USK |
Plataforma(s) | Google Chrome Microsoft Windows[1][2] OS X[1][2] iOS[3] Xbox Live Arcade[4] PlayStation Network Nintendo DS DSiWare Bada Android Windows Phone PlayStation Vita BlackBerry Tablet OS[5] BlackBerry 10[6] |
Serie | Plants vs. Zombies |
Na rede | |
Páxina oficial | |
[ editar datos en Wikidata ] |
Recibiu unha resposta positiva por parte da crítica e estivo nomeado a varios premios, e a súa banda sonora foi moi aclamada. A súa secuelal, Plants vs. Zombies 2: It's About Time',' foi estreada o 15 de agosto de 2013 para iOS.
Notas
Véxase tamén
Ligazóns externas
- Páxina oficial (en inglés)