Pobo galés
Os galeses[13] (galés: cymry), son unha nación e grupo étnico nativo de Gales. A súa lingua nativa é o galés, que pertence á familia de linguas célticas insulares, e foi historicamente falada en toda Gales. O seu devanceiro, o britano foi falada en toda a illa de Gran Bretaña. Antes do século XX, unha gran cantidades de galeses falaban só galés, con escasos ou nulos coñecementos do inglés.[14] Malia que o galés se mantivo como a lingua predominante nalgunhas áreas do país de Gales, particularmente no norte e no oeste, o inglés é a lingua predominante en case todo o país. Porén, un número significativo de galeses, mesmo os que viven en áreas predominantemente de fala inglesa son falantes de galés en diversos graos.
Pobo galés | |
---|---|
Poboación | |
Poboación total: 6–16,3 millóns[1] | |
Rexións principais: | |
Gales | 3 millóns[1][2][3][4] (só de ascendencia galesa) |
Estados Unidos | 1,75–1,81 millóns[5] |
Inglaterra | 6097 11[6] |
Canadá | 458 705[7] |
Australia | 125 597[8] |
Arxentina | 50 000[9] |
Escocia | 16 623[10] |
Nova Zelandia | 9 966[11] |
Aspectos culturais | |
Lingua | galés e inglés |
Relixión | Cristianismo |
Grupos relacionados | Celtas: Britónicos (córnicos, bretóns), Gaélicos (irlandeses, manx, escoceses)[12] |
Mesmo que a lingua galesa e os seus devanceiros foron falados na actual Gales dende antes da incursión romana en Britania, o historiador John Davies suxire que a orixe da "nación galesa" procede dos séculos IV e V, após a marcha dos romanos.[15] O termo "pobo galés" aplícase ós habitantes de Gales e á xente con devanceiros galeses que se identifican cunha orixe e unha herdanza cultural.[16]
No 2016, unha análise xeográfica dos apelidos galeses levada a cabo polo Goberno Galés descubriu que unhas 718 000 persoas (arredor do 35% da poboación galesa) ten un apelido de orixe galesa, comparado co 5,3% no resto do Reino Unido, o 4,7% en Nova Zelandia, o 4,1% en Australia e o 3,8% nos Estados Unidos, o cal representan 16,3 millóns de persoas neses países que teñen cando menos algún devanceiro galés.[1]