Pobo portugués

Os portugueses^[12] son unha nación e grupo étnico indíxena de Portugal que comparten unha mesma cultura e falan o portugués como lingua principal. A súa relixión predominante é o Cristianismo, principalmente o catolicismo.

Pobo portugués
D. Afonso Henriques Santo Antonio de Lisboa Xoán XXI, papa João I de Portugal Infante Henrique Damião de Góis Vasco da Gama Pedro Álvares Cabral Fernão de Magalhães Luís de Camões João IV de Portugal Marquês de Pombal Manuel Maria Barbosa du Bocage António Egas Moniz Fernando Pessoa Manuel II de Portugal María Pia de Braganza António de Oliveira Salazar Manoel de Oliveira Amália Rodrigues José Saramago José Manuel Barroso José Mourinho Maria de Medeiros Cristiano Ronaldo
Poboación
Poboación total: c  42 millóns a 270 millóns[1]
Rexións principais:
Portugal	10 374 822 (poboación de 2011, sen ter en conta etnia)[2]
Brasil	45 000 000-85 000 000 (devanceiros portugueses)[3][4]
Estados Unidos	1 471 549 (devanceiros portugueses)
Venezuela	1 300 000 (devanceiros portugueses)[5]
Francia	1 243 419 (devanceiros portugueses)[6]
Canadá	429 850 (devanceiros portugueses)[7]
Suráfrica	300 000
Angola	300 000[8]
Suíza	265 000[9][10]
Alemaña	170 000
Aspectos culturais
Lingua	Lingua portuguesa e mirandés
Relixión	Catolicismo
Grupos relacionados	Galegos, españois, italianos, sefardís e outros pobos europeos.[11]

Historicamente, a herdanza dos portugueses inclúe os celtas, preceltas, celtiberos e iberos, os lusitanos, galaicos e célticos, os romanos, os visigodos e os suevos. A República Romana conquistou Iberia durante os séculos -II e -I. Como resultado da colonización romana, a lingua local provén do latín vulgar. Por mor da longa historia do Imperio portugués e a colonización de territorio de Asia, África e América, así como pola emigración histórica e recente, pódense atopar comunidades portuguesas en diversas rexións do planeta, e tamén existe unha importante diáspora. Os portugueses foron un axente salientable da era dos descubrimentos, descubrindo numerosas terras descoñecidas polos europeos en América, África, Asia e Oceanía, axudando tamén no proceso de globalización.

Hoxe en día, Portugal amosa unha sociedade multicultural de todo o mundo, pero con especial presenza das antigas colonias da Lusofonía, como os brasileiros, os caboverdianos, angolanos, mozambicanos, goanos e macaneses.