Porto Novo
Porto Novo,[1] Porto-Novo[2][3] ou Portonovo,[4] oficialmente Porto-Novo e tamén coñecido como Hogbonou e Adjacé, é a capital oficial da Benín. É un porto sito nun entrante do golfo da Guinea, na parte suroriental do país. Porto Novo é a segunda cidade máis grande de Benín, detrás de Cotonou, porén supéraa en importancia cultural e política. O transpaís de Porto Novo produce aceite de palma, algodón e kapok. Nos anos 1990 foi descuberto petróleo en augas fóra da costa, produto que se converteu nun importante motor das exportacións.
| ||||
| Localización | ||||
|---|---|---|---|---|
| ||||
| Estado | Benín | |||
| Departamento | Oueme (pt)   | |||
| Capital de | ||||
| Poboación | ||||
| Poboación | 264.320 (2013) (5.083,08 hab./km²) | |||
| Xeografía | ||||
| Superficie | 52 km² | |||
| Altitude | 38 m | |||
| Datos históricos | ||||
| Precedido por | ||||
| Organización política | ||||
| Membro de | Rede de cidades creativas (2017–) | |||
| Outro | ||||
| Irmandado con | ||||
| Candidato a Patrimonio da Humanidade | ||||
| Data | 31 de outubro de 1996 | |||
| Identificador | 871 | |||
| Páxina web | villedeportonovo.com | |||
Historia
Porto Novo foi probabelmente fundada a finais do século XVI polo pobo Gun. O actual nome foille dado polos portugueses, que aquí construíran unha feitoria no século XVII, con propósito de exportar escravos africanos para as Américas. O Reino de Porto Novo aceptou a protección francesa en 1863, como forma de rebater a intrusión británica. Porén, a presenza francesa non foi ben acollida polo veciño Reino de Abomey, o que resultou en guerra. En 1883, a mariña francesa desembarcou en Porto Novo e Cotonou, tendo Porto Novo sido incorporada á colonia francesa de Daomei, da cal se tornou capital en 1900. Varios anos despois da independencia, Dahomei trocou o nome para Benín.