Порта-Нова
Порта-Нова (таксама вядомы як Hôgbonou і Adjatchê) — сталіца Бэніну, адначасова зьяўляецца сталіцай дэпартамэнту Ўэмэ. Знаходзіцца на ўзьбярэжжы Гвінэйскага заліва. Насельніцтва складае 223,5 тыс. чалавек. Порта-Нова — другі па велічыні пасьля Катану горад краіны. У 1990-х гадах каля гораду былі вынайдзены радовішчы нафты, імпарт якой можа стаць значнай крыніцай грашовых прыбыткаў.
| Порта-Нова | |
 | |
| Першыя згадкі: | XVI стагодзьдзе |
| Краіна: | Бэнін |
| Дэпартамэнт: | Уэмэ |
| Плошча: | 52 км² |
| Насельніцтва (2009) | |
| колькасьць: | 267 191 чал. |
| шчыльнасьць: | 5138,29 чал./км² |
| Часавы пас: | UTC+1 |
| Геаграфічныя каардынаты: | 6°29′0″ пн. ш. 2°37′0″ у. д. / 6.48333° пн. ш. 2.61667° у. д. 2°37′0″ у. д. / 6.48333° пн. ш. 2.61667° у. д. |
Порта-Нова на мапе Бэніну   Порта-Нова | |
 Галерэя здымкаў у Вікісховішчы | |
| http://www.villedeportonovo.com | |
Гісторыя
Порта-Нова быў заснаваны ў XVI стагодзьдзі каралём Алады Тэ-Агданлінам. Сучасную назву горад атрымаў ад партугальскага «новы порт». Пачаткова тут разьмяшчаўся порт, дзе гандлявалі рабамі.
У 1863 годзе брытанцы, якія ў гэты час ваявалі ў Нігерыі разбурылі горад, які ў той час быў сталіцай каралеўства Порта-Нова, за тое што яно прыняла францускую «пратэкцыю». Суседняе каралеўства Абамэі супраціўлялася францускаму пранікненьню ў рэгіён. Паміж дзьвюма дзяржавамі пачалася вайна. У 1883 годзе Порта-Нова была далучана да францускай калёніі Дагамеі. У 1900 годзе горад стаў яе сталіцай. У 1960 годзе Порта-Нова становіцца сталіцай незалежнага Дагамеі (з 1976 году Бэніну).
Каралі Порта-Нова мелі афіцыйны і неафіцыйны ўплыў на справы гораду, да сьмерці апошняга караля Алахінта Гбефа ў 1976 годзе.
Шмат афра-бразыльцаў пасяліліся ў Порта-Нова, пасьля адмены рабства ў Бразыліі. Бразыльская архітэктура і ежа аказала значны ўплыў на культурнае жыцьцё гораду.
Вонкавыя спасылкі
Порта-Нова — сховішча мультымэдыйных матэрыялаў