Sociedade Deportiva Sofán
A Sociedade Deportiva Sofán é un equipo de fútbol galego da parroquia de Sofán, no concello de Carballo. Foi fundado en 1979 e na tempada 2023/24 xoga no grupo I da Terceira División RFEF.
| Sofán | ||
|---|---|---|
| Nome | Sociedade Deportiva Sofán | |
| Fundación | 1979 | |
| Estadio | Campo do Carral, Sofán, Carballo (Galiza)  | |
| Presidente | Eliseo Docampo Suárez | |
| Liga | Terceira División RFEF | |
| 2020–21 | 2º (Preferente) | |
| Na rede | ||
| http://http://sdsofan.com/ | ||
  | ||
| ||
Historia
En 2018 o Sofán presentou un equipo integrado por persoas con discapacidade intelectual. O equipo, integrado por 19 persoas de entre 20 e 50 usuarias de Aspaber, presentouse no campo de fútbol do Carral cun partido amigable fronte ao equipo do Deportivo da Coruña. O proxecto naceu como vía de integración de persoas discapacitadas a través do deporte e chegar a xogar en LaLiga Genuine Santander.[1]
En 2019 a Sociedade Deportiva Sofán e o Bergantiños Fútbol Club asinaron un convenio polo cal o Sofán pasaba a converterse no filial do Bergantiños, de xeito que ambos os equipos puidesen intercambiar xogadores, especialmente do primeiro equipo.[2] O convenio ademais afectaba ás categorías inferiores, realizando un traballo colaborativo co obxectivo de realizar un seguimento máis efectivo dos xogadores.[3] Se ben inicialmente o convenio tiña unha duración dun ano, en 2020 ambas as entidades decidiron renovalo tras valoralo de xeito positivo.[4][5]
O 27 de xuño de 2021 acadou un histórico ascenso á Terceira División RFEF, logo de superar no último partido da segunda fase por 2-0 ao CD Boiro, que tamén aspiraba ao ascenso.[6]
Historial na liga
| Tempada | Categoría | Posto |
|---|---|---|
| 2016/17 | Preferente | 12º |
| 2017/18 | Preferente | 11º |
| 2018/19 | Preferente | 8º |
| 2019/20 | Preferente | 8º |
| 2020/21 | Preferente | 2º |
Palmarés
- Terceira Galicia (2): 1998/99, 2005/06.
- Copa da Costa (1): 2023.