Suleviae

Na antiga relixión celta, Sulevia era unha deusa adorada na Galia, Britania e Galicia,^[1] que aparece moitas veces na forma plural Suleviae ou (dativa) Sule(v)is. Dedicatorias a Sulevia(e) son atestadas en preto de 40 inscricións, distribuídos amplamente en todo o mundo celta, pero con concentracións particulares en Noricum, entre os Helvecios, ó longo do Rin e tamén en Roma. Jufer e Luginbühl distinguen as Suleviae doutro grupo de deusas celtas, as Matres, e interpretan o nome Suleviae co significado de "as que goberna ben".^[2] As Suleviae son identificadas coas Matres nunha inscrición de Colchester, así como na maioría das inscricións de Roma, nas que tamén son identificados cos Junones. Van Andringa interpreta as Suleviae como "divindades nativas domésticas honradas en tódolos niveis sociais".^[3]