નર્મદા જિલ્લો

નર્મદા જિલ્લાનું ક્ષેત્રફળ ૨,૭૫૫ ચો. કિ.મી. છે. આ જિલ્લામાં મોટા ભાગનો વિસ્તાર ડુંગરાળ અને વનાચ્છાદિત છે.

અહીં કેવડિયા ખાતે આવેલ સરદાર સરોવર (નર્મદા યોજના) આપણા દેશની મહત્વની બહુહેતુક યોજના છે, જે પૈકી સિંચાઇ અને વીજ ઉત્પાદન મુખ્ય હેતુઓ છે. આ ઉપરાંત આ જિલ્લાની બીજી મહત્વની કરજણ નદી પર પણ મોટો બંધ બાંધવામાં આવેલો છે.

આ જિલ્લાની રચના ૨ ઓક્ટોબર ૧૯૯૭ના રોજ કરવામાં આવી હતી. વડોદરા જિલ્લાના તિલકવાડા અને ભરૂચ જિલ્લાના નાંદોડ, ડેડીયાપાડા અને સાગબારા દ્વારા નવો નર્મદા જિલ્લો રચવામાં આવ્યો હતો.^[૧]

૨૦૧૧ની વસ્તી ગણતરી પ્રમાણે નર્મદા જિલ્લાની વસ્તી ૫,૯૦,૩૭૯ વ્યક્તિઓની છે.^[૨]૨૦૧૧માં વસ્તીના ૧૦.૪૪% લોકો શહેરી વિસ્તારમાં રહેતા હતા.^[૩]

નર્મદા જિલ્લો ગુજરાતના ૩૩ જિલ્લાઓમાંથી સૌથી ઓછી વસ્તી ધરાવતા જિલ્લાઓમાં ત્રીજા ક્રમે ડાંગ અને પોરબંદર જિલ્લાઓ પછી આવે છે.^[૨]

આ જિલ્લો ગુજરાત રાજ્યનો ત્રીજા ક્રમનો પછાત જિલ્લો છે.

• નાંદોદ
• ડેડીયાપાડા
• તિલકવાડા
• સાગબારા
• ગરૂડેશ્વર

• નિનાઈ ધોધ
• શૂલપાણેશ્વર વન્યજીવન અભયારણ્ય
• કરજણ બંધ, કરજણ નદી પર.
• શૂલપાણેશ્વર મંદિર
• સરદાર સરોવર બંધ
• રાજપીપળાનો મહેલ
• સ્ટેચ્યુ ઓફ યુનિટી (સરદાર પટેલની પ્રતિમા)
• દેવમોગરા માતાનું મંદિર (સાગબારા તાલુકો)

વિધાન સભા બેઠકો

વિકિમીડિયા કોમન્સ પર Narmada district સંબંધિત માધ્યમો છે.

• અધિકૃત વેબસાઇટ
• નર્મદા જિલ્લા પંચાયતની વેબસાઇટ^{[હંમેશ માટે મૃત કડી]}