Աբխազիայի Հանրապետության ազգային գրադարան

Հիմնադրվել է 1921 թվականի մարտի 15-ին Աբխազիայի Հեղկոմի ժողովրդական կրթության բաժնի կողմից, որպես Աբխազիայի կենտրոնական գրադարան։ Նույն տարվա մարտի 29-ին Սուխումի Ազատության փողոցի վրա գտնվող նախկին «հայրապետական տանը» բացվեց ընթերցասրահ։ Գրադարանի գրքային ֆոնդը բաղկացած է մասնավոր գրադարանների նվիրատվություններից։ 1922 թվականին այն վերակազմավորվեց կենտրոնական գրապահոց, որին 1926 թվականին շնորհվեց Քաղաքային կենտրոնական գրադարանի կարգավիճակ, որն էլ սկսեց ղեկավարել Աբխազական ԽՍՀ բոլոր գրադարանները^[1]։

1938 թվականին Քաղաքային կենտրոնական գրադարանը ստացավ Աբխազական ԻԽՍՀ Հանրապետական գրադարանի կարգավիճակ^[1]։1980 թվականին գրադարանը տեղափոխվում է նոր տիպային շենք, իսկ 1981 թվականին նրան շնորհվում է Աբխազիայի առաջին ժողովրդական գրող, Գուլիայի անվան Հանրապետական մրցանակի դափնեկիր Իվան Պապասկիրիի անունը։ 1983 թվականին գրադարանը դառնում է Հանրապետական ունիվերսալ գիտական^[1]։

1992-1993 թվականների պատերազմի տարիներին գրադարանի շենքը և գրքային հավաքածու զգալիորեն տուժեցին ռազմական գործողությունների հետևանքով։ 1998 թվականին գրադարանը վերանվանվեց Ի. Գ. Պապապասկիրի անվան Ազգային գրադարան^[1]։

Ռուսաստանի Դաշնությունից ներդումների ներգրավման հաշվին 2012 թվականի օգոստոսից մինչև 2015 թվականի սեպտեմբերը իրականացվեց գրադարանի շենքի կապիտալ վերանորոգում։ Նորացված գրադարանի բացումը կայացավ 2017 թվականի հունիսի 1-ին^[2][3]։ Ներկայումս գրադարանում գործում են 9 բաժիններ` 307,7 հազար օրինակ ֆոնդով^[1]։

• Պաշտոնական կայք