Ազգային թատրոն (Բռնո)

Հիմնադրվել է 1884 թվականին, Պրահայի Ազգային թատրոնի օրինակով։Այժմ Բռնոյի ազգային թատրոնն ունի երեք բեմ, փաստացի այն երկու պրոֆիլային թատրոնների և մեկ թատերական դահլիճի միավորում է.

• Մահենի թատրոն (չեխ․՝ Mahenovo divadlo), Ազգային թատրոնի դրամատիկական թատերախմբի գլխավոր բեմն է^[2]։ Եղել է պատմական առաջին թատրոնը, այժմ ուղղակի դրամատիկական բեմ է։ Ի սկզբանե կոչվել է Գերմանական քաղաքային թատրոն (գերմ.՝ Deutsches Stadttheater)^[3], ուշ վերածննդի ոճով շենքը կառուցվել է հատուկ թատրոնի համար, ճարտարապետներ Ֆելների ու Հելմերի համար, 1882 թվականին։ Այն եղել է առաջին էլեկտրաֆիկացված թատրոնը Չեխիայի տարածքում^[4] և առաջիններից մեկն աշխարհում^[5]։ Էլեկտրաֆիկացման ծրագիրը մշակել է անձամբ էլեկտրականության հայտնագործող Թոմաս Էդիսոնը։

1925 թվականի ապրիլի 2-ին Բռնոյի Ազգային թատրոնում իրականացվել է Բռնոյի չեխական ռադիոյի առաջին հաղորդումը^[6]։

• Յանաչեկի թատրոն (չեխ․՝ Janáčkovo divadlo), Բռնոյի ազգային թատրոնի օպերային բեմն է, իրականում այն օպերայի ու բալետի թատրոն է, կառուցվել է 1965 թվականին, աշխատում է 1961-1965 թվականներին կառուցված ժամանակակից գործառույթներով շենքում։
• Ռեդուտա թատրոն (չեխ․՝ Divadlo Reduta), Ռեդուտա թատերական համալիրի բեմերն օգտագործվում են համերգների, ներկայացումների, տարբեր թատերախմբերի ցուցադրությունների համար։ 1767 թվականին այստեղ ելույթ է ունեցել 12-ամյա վիրտուոզ Վոլֆգանգ Ամադեուս Մոցարտը։ 1731-1735 թվականներին բարոկկո ոճով կառուցված ժամանակակից շենքը մի քանի անգամ վերակառուցվել է։ Շենքը Կենտրոնական Եվրոպայի ամենահին թատերական շինությունն է և վերջերս կրկին վերանորոգվել է։ Ներկայումս շենքում մշտական թատերախումբ չի գործում։

• Národní divadlo Brno Արխիվացված 2015-02-17 Wayback Machine(չեխ.)
• Ազգային թատրոն Բռնոյում(չեխ.)

Վիքիպահեստն ունի նյութեր, որոնք վերաբերում են «Ազգային թատրոն (Բռնո)» հոդվածին։