Առաջին դասարանցին

Ֆիլմի գլխավոր հերոսուհին՝ առաջին դասարանցի Մարուսյան (Նատալյա Զաշչիպինա), քմահաճ, բայց բարի աղջիկ է։ Եկել է ժամանակը, երբ նա պետք է գնա դպրոց։ Մարուսյուն ընդունվել է Մոսկվայի Ստալինի շրջանի № 156 միջնակարգ իգական դպրոց։ Շատ դժվար է աղջկա համար սովորել դպրոցական կարգերը։ Բայց իմաստուն ուսուցչի և ուշադիր ընկերների օգնությունը շատ է օգնում նրան այդ հարցում։

Ֆիլմը նկարահանել է ռեժիսոր Իլյա Ֆրեզը 1947 թվականին Մոսկվայի Զոյա և Ալեքսանդր Կոսմոդեմյանսկիների անվան № 201 դպրոցում Եվգենի Շվարցի համանուն վիպակի հիման վրա, որից մի հատված տպագրվել է «Մուրզիլկա» ամսագրում՝ ֆիլմի թողարկումից առաջ։

Ֆիլմի պրեմիերան կայացել է 1948 թվականի մարտին։

Ֆիլմը վերականգնվել է 1964 թվականին Գորկու անվան կինոստուդիայում։

2009 թվականի օգոստոսի 18-ին ֆիլմը թողարկվել է DVD-ով «RUSCICO» ընկերության կողմից։

• Նատալյա Զաշչիպինա – Մարուսյա Օռլովա
• Տամարա Մակարովա – Աննա Իվանովնա, ուսուցչուհի
• Կիրա Գոլովկո – Նինա Վասիլևնա, Մարուսյայի մայրը
• Տատյանա Բարիշևա – Մարուսյայի տատը^[4]

• Սցենարիստ` Եվգենի Շվարց
• Ռեժիսոր` Իլյա Ֆրեզ
• Օպերատոր՝ Գաբրիել Եղիազարով
• Երաժշտություն` Դմիտրի Կաբալևսկի, Միխայիլ Զիվ^[5]

Ֆիլմում հնչում են երգեր Դմիտրի Կաբալևսկու և Միխայիլ Զիվի երաժշտությամբ, Եվգենի Շվարցի տեքստով՝ «Песенка дежурной» («Հերթապահի երգը)» ֆիլմի գլխավոր հերոսուհու կատարմամբ և «Прощание с первым классом» («Հրաժեշտ առաջին դասարանին»)։

Ֆիլմի երգերը թողարկվում են գրամոֆոնի սկավառակներով Մոսկովյան, Ապրիլյան և այլ գործարաններում, 1960-ականների կեսերից՝ «Մելոդիա» ֆիրմայի ձայնապնակներով։

• Аркус Л. «Первоклассница» (ռուսերեն). Проект журнала «Сеанс». Արխիվացված է օրիգինալից 2021 թ․ մայիսի 7-ին. Վերցված է 2020 թ․ մայիսի 2-ին.

Վիքիպահեստն ունի նյութեր, որոնք վերաբերում են «Առաջին դասարանցին» հոդվածին։