Արթրոպաթիա

Արթրիտը՝ հոդաբորբ, արթրոպաթիայի ձև է, որը ներառում է մեկ կամ մի քանի հոդերի բորբոքում^[2][3], մինչդեռ արթրոպաթիա տերմինը կարող է օգտագործվել անկախ նրանից՝ կա բորբոքում, թե ոչ։

Հոդերի հիվանդությունները կարելի է դասակարգել հետևյալ կերպ՝

• Արթրիտ
  • Ինֆեկցիոն արթրիտ
    • Սեպտիկ արթրիտ
    • Տուբերկուլոզային արթրիտ
    • Ռեակտիվ արթրիտ (Ռեյտերի համախտանիշ)
  • Ոչ ինֆեկցիոն արթիրտ
    • Սեռոնեգատիվ սպոնդիլոարթրոպաթիա
      • Փսորիատիկ արթրիտ
      • Անկիլոզացնող սպոնդիլոարթրիտ
    • Ռևմատոիդ արթրիտ
      • Ֆելտիի համախտանիշ
    • Յուվենիլ իդիոպաթիկ արթրիտ
    • Մեծահասակների մոտ Ստիլի հիվանդություն
    • Բյուրեղային արթրոպաթիա
      • Հոդատապ
      • Խոնդրոկալցինոզ
    • Օստեոարթրոզ
• Հեմարթրոզ
• Սինովիտ՝ սինովիալ թաղանթի բորբոքում
• Հոդերի տեղաշարժ

Արթրոպաթիայի այլ տեսակներ

• Ռեակտիվ արթրոպաթիա (M02-M03), առաջանում է վարակի, բայց ոչ սինովիալ տարածության ուղղակի վարակի հետևանքով։
• Էնտերոպաթիկ արթրոպաթիա (M07), առաջանում է հիմնականում կոլիտի պատճառով։
• Բյուրեղային արթրոպաթիա (նաև հայտնի է որպես բյուրեղային արթրիտ), (M10-M11), որի ժամանակ տեղի է ունենում բյուրեղների նստեցում հոդի մեջ։
  • Պոդագրայի դեպքում բյուրեղը միզաթթու է։
  • Պսևդեպոդագրայի, խոնդրոկալցինոզի, կալցիումի պիրոֆոսֆատի նստվածքային հիվանդության դեպքում բյուրեղը կալցիումի պիրոֆոսֆատն է։
• Դիաբետիկ արթրոպաթիա (M14.2, E10-E14), պայմանավորված է շաքարային դիաբետով։
• Նեյրոպաթիկ արթրոպաթիա (M14.6), կապված է զգայության կորստի հետ։

Սպոնդիլոարթրոպաթիան ողնաշարի արթրոպաթիայի ցանկացած ձև է^[4]։

Հոդերի ցավը հիվանդության ընդհանուր, բայց ոչ սպեցիֆիկ նշան է։ Նշանները կախված են կոնկրետ հիվանդության տեսակից և կարող են նույնիսկ տարբեր լինել։ Ընդհանուր նշանները կարող են ներառել^[5]՝

• Շարժման տիրույթի նվազում
• Հոդերի կարծրացում, կոշտացում
• Հոդերի տեղաշարժ
• Պնևմարթրոզ, օդի առկայություն հոդում (նորմայում որոշակի քանակությամբ օդ հայտնաբերվում է հոդում)
• Ոսկրային էրոզիա
• Արթրիտի համակարգային նշաններ, ինչպիսին է հոգնածությունը

Ախտորոշումը ընդգրկում է բժշկական պատմությունը, ֆիզիկական հետազոտությունը, արյան ընդհանուր և բիոքիմիական քննությունը, ինչպես նաև ռենտգեն հետազոտությունը։