Բադդի Բոլդեն

Բադդի Բոլդենի հայրը՝ Վեսթմոր Բոլդենը իր պապի նախկին ղեկավարի՝ Վիլիամ Ուոլքերի ընտանիքի վարորդն էր, երբ Բադդին ծնվեց, իսկ մայրը Ալիս նի Հերիսն էր, ով 18 տարեկան էր, երբ 1873 թվականի օգոստոսի 14-ին նրանք ամուսնացան (և նրա հայրն այն ժամանակ մոտավորապես 25 տարեկան էր, քանի որ նշված է, որ նա 1866 օգոստոսին 19 տարեկան էր)^[3] : Բադդի Բոլդենի հայրը մահացավ, երբ նա 6 տարեկան էր, և նրան մեծացրեց մայրը։ Փաստաթղթերում տարբեր ժամանակ ընտանիքի ազգանունը տարբեր կերպ էր արտասանվում, ինչպես օրինակ «Բոլեն» «Բոլդինգ» «Բոլդան» և «Բոլդեն»^[4]։ Նա հաճախել է Նոր Օրլեանի Ֆիսկ դպրոց, սակայն դրա մասին վկայող հիմնավոր ապացույցներ չկան, քանի որ այն տեղանքում, որտեղ նա ապրել է այս դպրոցի և այլ դպրոցների մասին վկայություններ չեն պահպանվել^[5]։

Նա հայտնի էր ինչպես Քինգ Բոլդեն, և նրա խումբը միշտ հայտնի էր Նոր Օրլեանում` նրա ծննդավայրում, 1900-1907 թվականներին, երբ նա անգործունակ դարձավ շիզոֆրենիայի պատճառով^[6]։ Բոլդենը հայտնի էր իր բարձր ձայնով և իմպրովիզներով։ Նա մեծ ազդեցություն թողեց ավելի երիտասարդ երաժիշտների վրա։ Այն ժամանակ Բոլդենի տրոմբոնահարը Վիլլի Կոռնիշը հրավիրվեց Բոլդենի խմբի հետ ձայնագրվելու, սակայն պահպանված ձայնագրություն այդպես էլ չհայտնաբերվեց։

1907 թվականին Բոլդենը տառապում էր ալկոհոլային կախվածությամբ, երբ նա 30 տարեկան էր։ Նման ախտորոշմամբ նրան տեղափոխեցին հոգեբուժարան, որտեղ նա անցկացրեց իր կյանքի վերջին տարիները^[7]։

Բոլդենը թաղվեց անանուն գերեզմանատանը՝ Holt Cemetery-ում, Նոր Օրլեանի աղքատների գերեզմանոցում։ 1998 թվականին Բոլդենի հուշարձանը կանգնեցվեց Holt Cemetery-ում, սակայն նրա իսկական գերեզմանը մնում է անհայտ։

Բազում վաղ ջազ երաժիշտներ Բոլդենին և նրա խմբին համարում են երաժշտական այն ոճի հիմնադիրները, որը հայտնի դարձավ ինչպես «ջազ», քանի որ այդ տերմինը հայտնի չէր երաժշտական աշխպարհում մինչև Բոլդենի հայտնիության դարաշրջան։ Համենայն դեպս գրողներից մեկն նրան անվանեց «ջազի հայր»։ Նրան համարում են անհաջող, ռեգ-թայմի ավելի ստեղծագործ տարբերակ՝ բլյուզի տարրերով. Բոլդենի խումբն առաջինն էր, որ արույրե գործիքներով բլյուզ էր նվագում։ Նա նաև գաղափարներ էր վերցրել գոսպելից, որը լսել էր քաղաքի աֆրո-ամերիկյան բապտիստական եկեղեցիներում։

Մյուս կոռնետիստներին նմանվելու փոխարեն, Բոլդենը խաղում էր երաժշտություն, որը լսում էր և այն հարմարեցնում իր տեմբրին։ Այդպիսով նա ստեղծեց հիանալի երաժշտական ոճ։

Բոլդենը հայտնի էր իր հզոր, բարձր նվագելու ոճով։ Ջո Քինգ Օլիվերը, Ֆրեդի Կեպարդը, Բանկ Ջոնսոնը և մյուս վաղ Նոր Օրլեանի ջազ երաժիշտներն ուղղակիորեն ոգեշնչված էին նրա նվագելու ոճով։

Բոլդենի և ոչ մի ձայնագրություն չի պահպանվել։ Նրա տրոմբոնիստ Վիլի Քորնիշը վկայել էր, որ Բոլդենի խումբը ուշ 1890-ական թվականներին ստեղծեց վերջին հաշվով մեկ ձայնագրություն։ Նոր Օրլեանի հին ժամանակների մյուս 3 երաժիշտներ՝ Ջորջ Բաքետը, Ալֆոնսո Պիչուն և Բոբ Լայնսը նույնպես հիշատակված են ձայնագրության մեջ վաղ 1900-ականներին։ Հետազոտող Թիմ Բրուքսը հավատում էր, եթե դրանք գոյություն ունեն, ապա կարող է գաղտնի ձայնագրվել էին տեղի երաժշտական ղեկավարների համար և երբեք չեն հրապարակել դրանք հանրության համար։

• Բադդի Բոլդեն հոդվածը Curlie-ում (ըստ DMOZ-ի)
• Bolden!(անգլ.) ֆիլմը Internet Movie Database կայքում
• Buddy Bolden's New Orleans Music Արխիվացված 2016-03-04 Wayback Machine
• "Charles "Buddy" Bolden Արխիվացված 2008-12-18 Wayback Machine, RedHotJazz.com, Biography with suggested reading
• Buddy Bolden Biography, PBS, Jazz, A Film by Ken Burns

• Barker, Danny, 1998, Buddy Bolden and the Last Days of Storyville. New York: Continuum. p. 31.
• Marquis, Donald. In Search Of Buddy Bolden: First Man Of Jazz. Louisiana State University Press. ISBN 0-8071-3093-1.

Վիքիպահեստն ունի նյութեր, որոնք վերաբերում են «Բադդի Բոլդեն» հոդվածին։