Բաթումի Ստալինի թանգարան

Բաթումի Ստալինի թանգարան, նախկին կենսագրական թանգարան Վրաստանի Բաթում քաղաքում, որը նվիրված է Իոսիֆ Ստալինին։ Վերջինս 1901-1902 թվականներին քարոզչական աշխատանք է տարել Բաթումի բանվորական բնակչության շրջանում^[1]։ Թանգարանը փակվել է 2013 թվականին՝ ցածր հաճախելիության և այցելուների պակասի պատճառով^[2]։

Բաթումի Ստալինի թանգարան
Տեսակ	հուշային թանգարան
Երկիր	Վրաստան
Տեղագրություն	Բաթում

2010 թվականին թանգարանի տարածքի սեփականատերը դարձել է վրացի գործարար Թենգիզ Բակուրիձեն^[3]։ Թանգարանի մի շարք ցուցանմուշներ, ներառյալ Ստալինի կիսանդրին, անձնական իրերը և կոմունիստական սիմվոլիկան տեղափոխվել են Բաթումի տեղական ուսումնասիրությունների թանգարան^[4], մինչդեռ թանգարանի շենքը վերակառուցվել է և վարձակալությամբ հանձնվել տարբեր խանութների։ Տեղի բնակիչներից մեկը լրագրողներին հայտնել էր, որ Թենգիզ Բակուրիձեն թանգարանի շենքը գնել է հենց կոմերցիոն նպատակներով, որպեսզի այն դարձնի փողոցի առևտրային հատված։ Շինարարական աշխատանքների ժամանակ Ստալինի արձաններից մեկը վնասվել է։ Բակուրիձեի որոշմամբ Ստալինի մյուս արձանը մինչ օրս կանգուն է նախկին թանգարանի մուտքի դիմաց։