Բեատրիս Սթրեյթ
Բեատրիս Սթրեյթ (անգլ.՝ Beatrice Straight, օգոստոսի 2, 1914[1][2][3][…], Old Westbury, Նասաու շրջան, Նյու Յորք, ԱՄՆ - ապրիլի 7, 2001[1][2][3][…], Լոս Անջելես, Կալիֆոռնիա, ԱՄՆ[4]), ամերիկացի դերասանուհի, «Օսկար» և «Թոնի» մրցանակների դափնեկիր։
 անգլ.՝ Beatrice Straight | |
|---|---|
.png) | |
| Ծնվել է | օգոստոսի 2, 1914[1][2][3][…] |
| Ծննդավայր | Old Westbury, Նասաու շրջան, Նյու Յորք, ԱՄՆ |
| Մահացել է | ապրիլի 7, 2001[1][2][3][…] (86 տարեկան) |
| Մահվան վայր | Լոս Անջելես, Կալիֆոռնիա, ԱՄՆ[4] |
| Քաղաքացիություն |  ԱՄՆ |
| Մասնագիտություն | թատրոնի դերասանուհի, կինոդերասանուհի և հեռուստատեսային դերասանուհի |
| Ծնողներ | հայր՝ Willard Dickerman Straight?, մայր՝ Dorothy Payne Whitney? |
| Ամուսին(ներ) | Peter Cookson? և Louis Dolivet? |
| Երեխա(ներ) | Gary Cookson?[2] և Tony Cookson?[2] |
| Պարգևներ և մրցանակներ | |
Կենսագրություն
Բեատրիս Սթրեյթը ծնվել է 1914 թվականի օգոստոսի 2-ին Նյու Յորք նահանգի Օլդ Ուեստբարի գյուղում, բանկիր Ուիլարդ Դիքերմանի և Դորոթա Փեյն Ուիթնիի ընտանիքում։ Երբ Բեատրիսը եղել է չորս տարեկան, նրա հայրը մահացել է գրիպի համաճարակի ժամանակ Ֆրանսիայում, որտեղ Առաջին համաշխարհային պատերազմի ժամանակ ծառայում էր ամերիկյան բանակում։
Մոր՝ բրիտանացի գյուղատնտես Լեոնարդո Ք․ Էլմխիրստեի հետ երկրորդ ամուսնությունից հետո ընտանիքը տեղափոխվել է Մեծ Բրիտանիա։ Այնտեղ Բեատրիսը կրթություն է ստացել և զբաղվել դերասանական կարիերայով սիրողական թատերական բեմադրություններում։
Վերադառնալով ԱՄՆ՝ նա շարունակել է խաղալ բեմում, իսկ 1939 թվականին կայացել է նրա բրոդվեյան առաջնաելույթը «Մոլագարը» պիեսում։ Դրանից բացի նա կատարել է դերեր «Տասներկուերորդ գիշերը» (1941), «Մակբեթ» և «Տիգել» (1953) բեմադրություններում, որում կատարած դերի համար արժանացել է «Թոնի» մրցանակի։
Թատրոնում խաղալուց բացի Բեատրիսը նկարահանվել է կինոյում և հեռուստատեսության համար։ Նրա մասնակցությամբ առավել հայտնի ֆիլմերից է «Հեռուստացանց» (1976) կինոնկարը Ուիլյամ Հոլդենի մասնակցությամբ, որտեղ նա խաղացել է անհավատարիմ ամուսնու կնոջ դեր, որի համար Բեատրիսն արժանացել է «Օսկար» երկրորդ պլանի լավագույն կանացի դերի համար»։ Այդ դերը մնում է ամենակարճը (5 րոպե 40 վայրկյան էկրանային ժամանակ) «Օսկարի» պատմության մեջ, որն արժանացել է մրցանակի[5]։
Բեատրիսը ամուսնացած է եղել երկու անգամ։ Նրա առաջին ամուսինը եղել է Ֆրենչման Լուիս Դոլվետը՝ ձախամետ ակտիվիստ, «United Nations World» ամսագրի խմբագիր, իսկ ավելի ուշ կինոպրոդյուսեր։ 1949 թվականին նրանք ամուսնալուծվել են, և Բեատրիսն անմիջապես ամուսնացել է դերասան, պրոդյուսեր Փիթեր Քուկսոնի հետ, ումից ունեցել է երկու որդի։
Կյանքի վերջին տարիները Բեատրիսը տառապել է Ալցհայմերի հիվանդությամբ։ Նա մահացել է 2001 թվականի ապրիլի 7–ին Լոս Անջելեսում թոքաբորբից, 86 տարեկան հասակում և մահից հետո եղել է դիակիզվել է[6]։
Ընտրյալ ֆիլմագրություն
| Տարի | Ֆիլմ | Դերակատարում | Մրցանակ |
|---|---|---|---|
| 1991 | Խաբեություն | Մայր Էդրիեն | |
| 1990 | Մեզ նման մարդիկ | Մեյզի Վեյդուրին | |
| 1986 | Իշխանություն | Քլեր Հաստինգս | «Ոսկե ազնվամորի» մրցանակի անվանակարգ |
| 1985 | Սառցակալող | Մերիոն Քրեյտոն | |
| 1983 | Երկուսը իրենց տեսակի մեջ | Ռութ | |
| 1982 | Փոլթերգեյստ | Բժիշկ Լեշ | |
| 1981 | Հավերժական սեր | Ռոուզ Աասելրոդ | |
| 1980 | Բանաձև | Քեյ Նիլի | |
| 1979 | Արյունակցական կապ | Քեյթ Էռլինգ | |
| Խոստում | Մերիոն Հիլիարդ | ||
| 1976 | Հեռուստացանց | Լուիզա Շումախեր | Օսկար երկրորդ պլանի կնոջ լավագույն դերակատարման համար |
| 1964 | Երիտասարդ սիրեկանները | Միսիս Բյոռնս | |
| 1959 | Միանձնուհու պատմությունը | Մայր Քրիստոֆ | |
| 1956 | Նմուշներ | Նենսի Սթեյփլս | |
| 1952 | Հեռախոսազանգ անծանոթից | Քլեր Ֆորտնեսս |
Մրցանակներ
- «Օսկար» 1977 – Երկրորդ պլանի կանացի լավագույն դերակատարում («Հեռուստացանց»)
- «Թոնի» 1953 – «Լավագույն կանացի դեր պիեսում» («Տիգել»)
Ծանոթագրություններ
 | Վիքիպահեստն ունի նյութեր, որոնք վերաբերում են «Բեատրիս Սթրեյթ» հոդվածին։ |