Գավրիլ Կացարով

Գավրիլ Իլիև Կացարով (բուլղար․՝ Гаврил Илиев Кацаров, հոկտեմբերի 4, 1874(1874-10-04)[1], Կոպրիվշիտիցա, Սոֆիայի մարզ, Բուլղարիա - հունիսի 1, 1958(1958-06-01)[1], Սոֆիա, Բուլղարիա), բուլղար պատմաբան, բանասեր և հնագետ[2]։ Սոֆիայի համալսարանի ռեկտոր[3]։ Բուլղարիայի հնագիտական ինստիտուտի և Հնագիտական ազգային թանգարանի տնօրեն։

Գավրիլ Կացարով
Դիմանկար
Ծնվել էհոկտեմբերի 4, 1874(1874-10-04)[1]
ԾննդավայրԿոպրիվշիտիցա, Սոֆիայի մարզ, Բուլղարիա
Մահացել էհունիսի 1, 1958(1958-06-01)[1] (83 տարեկան)
Մահվան վայրՍոֆիա, Բուլղարիա
ԳերեզմանՍոֆիայի կենտրոնական գերեզմանատուն
Քաղաքացիություն Բուլղարիա
ԿրթությունԼայպցիգի համալսարան
Մասնագիտությունարվեստագետ, հնագետ, համալսարանի դասախոս, պատմաբան, բանասեր, դասական բանասեր, թանգարանագետ և դպրոցի դասատու
ԱշխատավայրՍոֆիայի համալսարան
Զբաղեցրած պաշտոններՍոֆիայի համալսարանի ռեկտոր
ԱնդամությունԱվստրիայի գիտությունների ակադեմիա, Գերմանիայի հնագիտական ինստիտուտ, Բուլղարիայի գիտությունների ակադեմիա և Ռումինական ակադեմիա
Ստորագրություն
Изображение автографа
 Gavril Katsarov Վիքիպահեստում

Կենսագրություն

Գավրիլ Կացարովը ծնվել է 1874 թվականի հոկտեմբերի 4-ին Կոպրիվշտիցայում, Սոֆիայի մարզ։ 1899 թվականին դոկտորի աստիճանով ավարտել է Լայպցիգի համալսարանը։ Հետո աշխատել է Բեռլինում, Մյունխենում (1901-1902) և Իտալիայում (1906)։

Բուլղարիա վերադառնալուց հետո սկսել է աշխատել Սոֆիայի տղամարդկանց առաջին գիմնազիայում, իսկ հետո՝ Բարձրագույն ուսումնարանում։ 1900 թվականից եղել է դոցենտ, 1904 թվականից՝ արտահաստիքային պրոֆեսոր, իսկ 1910 թվականից՝ պրոֆեսոր[4]։ 1915-1918 թվականներին եղել է Սոֆիայի համալսարանի պատմական-բանասիրական ֆակուլտետի դեկան, իսկ 1927-1928 թվականներին՝ համալսարանի ռեկտոր։

Հաջորդող երկու տարիների ընթացքում եղել է Սոֆիայի Ազգային հնագիտական թանգարանի տնօրեն։ Բուլղարիայի հնագիտական ինստիտուտի (1920) գիտական խորհրդի հիմնադիր և անդամ։

1909 թվականից Բուլղարիայի գիտությունների ակադեմիայի, ինչպես նաև Ռումինիայի գիտությունների ակադեմիայի (1936) և Ավստրիայի գիտությունների ակադեմիայի (1939) ակադեմիկոս։ Արտասահմանյան կազմակերպությունների և ինստիտուտների անդամ։

Գավրիլ Կացարովի եղբայրն է եղել գեներալ-մայոր Դիմիտր Կացարովը։

Կացարովը մահացել է 1958 թվականի հունիսի 1-ին Սոֆիայում՝ 83 տարեկան հասակում։

Մատենագրություն

Ծանոթագրություններ

Գրականություն

  • Алманах на Софийския университет 1888-1939, С., 1940, с. 277-279
  • Алексиева А., Велков В., Гавраил Илиев Кацаров. Библиография, С., 1953
  • Велков В., Гаврил Кацаров, С., 1991

Արտաքին հղումներ

Վիքիպահեստն ունի նյութեր, որոնք վերաբերում են «Գավրիլ Կացարով» հոդվածին։