Գերիներ (ֆիլմ, 2013)

Փենսիլվանիայի մի փոքրիկ գյուղում, հարևաններ և ընկերներ Դովերների և Բիրչերի ընտանիքները տոնում էին երախտագիտության օրը։ Երեկոյի վերջում տոնը վերածվում է խուճապի, երբ երկու ընտանիքների փոքրիկ աղջիկները անհետանում են։ Անցնում են ժամեր և աղջիկները չեն վերադառնում։ Պարզ է, որ նրանց առևանգել են։

Ոստիկանությունը բանտարկել էր Ալեքս Ջոնսին (Դանո Փոլ), ով այն վարում էր այն մեքենան, որով աղջիկները հետաքրքված էին։ Նա համարվում էր կասկածյալ, սակայն նրան ազատ են արձակում ապացույցների բացակայության պատճառով։ Ջոնսը վերադառնում է իր մորաքրոջ՝ Հոլիի (Մելիսա Լեո) տուն։ Քելեր Դովերը՝ (Հյու Ջեքման) աղջիկներից մեկի հայրը որոշում է իր ձեռքը վերցնել օրենքը և առևանգում է Ջոնսին, վստահ լինելով, որ նա հենց այդ հոգեկան հիվանդ մոլագարն է, ով առևանգել է աղջիկներին։ Նա պահում և տանջում է Ջոնսին լքված մի տան մեջ, որը ժամանակին եղել է իր մահացած հոր տունը։

Այս գործը տրվում է դետեկտիվ Լոկիին (Ջեյք Ջիլենհոլ)։ Նա ստուգում է կասկածյալների տները, և գնում է մի քահանայի նկուղ, որտեղ կար անհայտ մարդու դիակ, ով ուներ ամուլետ՝ լաբիրինթոսի տեսքով։ Քահանան ասում է, որ այդ մարդը սպանում էր երեխաներին և հպարտանում էր դրանով, և որ դա պատերազմ էր Աստծու դեմ։

Գրեթե մեկ շաբաթ անց նա գտնում է մեկ այլ կասկածյալի՝ Բոբ Թայլորին (Դավիթ Դաստմալչյան)։ Նրա տան պատերին Լոկին գտնում է լաբիրինթոսների տարօրինակ նկարներ։ Սենյակներից մեկում գտնում է փակված բեռնարկղներ, որոնց մեջ կային օձեր և արյան հետքերով մանկական հագուստներ։

Ոստիկանությունում, Թայլորը դետեկտիվների հարցերին պատասխանելու փոխարեն, թղթի վրա մեկ այլ լաբիրինթոս է նկարում և օգտվելով սպաներից մեկի ատրճանակից, ինքնասպան է լինում։ Լոկիին ասում են, որ հագուստը գողացված է եղել աղջիկների անհետացումից հետո, և արյունը ոչ թե մարդկային է, այլ խոզի։

Դովերը այցելում է Ալեքսի մորաքրոջը՝ Հոլիին, ով ասում է, որ իր ամուսինը անհայտ կորել է, իսկ որդին մահացել է քաղցկեղից շատ տարիներ առաջ։ Մի քանի օր անց հայտնվում է Բիրչերի ընտանիքի աղջիկը՝ Ջոյին։ Նա ողջ էր և ներարկված էր թմրանութերով։ Հիվանդանոցում նա ցույց է տալիս Դովերին և ասում․ «Դուք եղել եք այնտեղ»։ Հանգստացնելով աղջկա ծնողներին՝ Քելերը հասկանում է, թե ինչ է տեղի ունեցել և արագ դուրս է գալիս հիվանդանոցից։ Լոկին հետապնդում է նրան, կարծելով, որ նա գնալու է իր հոր տուն, սակայն այնտեղ գտնում է ոչ թե նրան, այլ գերի Ալեքսին։

Դովերը երկրորդ անգամ գնում է Հոլիի մոտ, կռահելով, որ նա է առևանգողը և այս ամեն ինչի ծրագրավորողը։ Հոլին, ատրճանակը պահելով Քելերի վրա ստիպում է նրան խմել թմրանյութայիին հեղուկ և պատմում է թե ինչու այդ արել։ Նա նաև ասում է, որ Ալեքսը նրա զարմիկը չէ, այլ այն երեխաներից մեկը, որին նա իր ամուսնու հետ գողացել էր։ Դրանից հետո, նա կրակում է Դովերի ոտքին և նրան նետում է մի փոս, որտեղ նա պահում էր երեխխաներին։ Փոսում նա գտնում է իր աղջկա սուլիչը։

Լոկին այցելում է Հոլիին, որպեսզի ասի նրան, որ գտել է Ալեքսին։ Տանը նա գտնում է Աննային՝ Դովերների աղջկան, ում Հոլին ներարկում է հերթական թմրանյութը։ Հոլիին կրակում է Լոկիի վրա՝ նրան վնասելով, սակայն Լոկին կարողանում է սպանել նրան։ Արնհոսելով Լոկին շտապում է Աննային հասցնել հիվանդանոց։

Աղջնակը և Լոկին առողջանում են։ Թերթերում գրվում է, որ Քելերը անհետացել է։ Ֆիլմը վերջանում է այսպես․ Լոկին կանգնած է լինում այն փոսի մոտ, որտեղ գտնվում էր Քելերը և լսում է այն սուլիչի ձայնը, որը Աննան կորցրել էր։

Նկարահանումները իրականացել են Ատլանտայում, Քոնայրեսում (Ջորջիա) և Դերբիում (Կոնեկտիկուտ)^[17].։

Համաշխարհային կինոքննադատների կողմից ֆիլմը հիմնականում ստացել է դրական արձագանքներ՝ հաջող սասպենսի և ուժեղ դերասանական խաղի համար (Ջեքման և Ջիլենհոլ)^[18]։ Rotten Tomatoes կայքում, հիմնվելով 227 արձագանքի վրա, ֆիլմը ունի 81% վարկանիշ և միջինը 10֊ից 7.3 միավոր։

• 2014 - «Օսկար» մրցանակի առաջադրում՝ լավագույն օպերատորական աշխատանքի համար (Ռոջեր Դիկինս)։
• 2014 ֊ «Սատուրն» մրցանակ՝ լավագույն դիմահարդարման համար (Դոնալդ Մոուետ), նաև երկու առաջադրում․ լավագույն թրիլեր, երկրորդ պլանի լավագույն դերասանուհի (Մելիսա Լեո)։
• 2014 ֊ «Արբանյակ» մրցանակաի երեք առաջադրում․ երկրորդ պլանի լավագույն դերասան (Ջեյք Ջիլենհոլ), լավագույն օպերատորական աշխատանք (Ռոջեր Դիկինս), լավագույն մոնտաժ (Գերի Ռոուզ, Ջոել Քաքս)։
• 2014 ֊ «Քննադատների ընտրության» մրցանակի առաջադրում՝ լավագույն օպերատորական աշխատանքի համար (Ռոջեր Դիկինս)։
• 2014 ֊ «Հոլիվուդի կինոփառատոնի» մրցանակ՝ երկրորդ պլանի լավագույն դերասանի համար (Ջեյք Ջիլենհոլ)^[19]։
• 2014 - ԱՄՆ֊ի կինոքննադատների խոսհուրդի մրցանակ՝ լավագույն դերասանական կազմի համար։ Ֆիլմը նաև եղել է լավագույն 10 դետեկտիվ ֆիլմերի մեջ։

• «Գերիներ» ֆիլմի
• «Գերիներ»(անգլ.) ֆիլմը Internet Movie Database կայքում
• «Գերիներ»(անգլ.) ֆիլմը Box Office Mojo կայքում
• «Գերիներ»(անգլ.) ֆիլմը Rotten Tomatoes կայքում

Վիքիպահեստն ունի նյութեր, որոնք վերաբերում են «Գերիներ (ֆիլմ, 2013)» հոդվածին։