Ես սպանեցի մորս
«Ես սպանեցի մորս» (ֆր.՝ J'ai tué ma mère), կանադացի ռեժիսոր Քսավյե Դոլանի դեբյուտային կիսակենսագրական ֆիլմը, որտեղ նա կատարել է գլխավոր դերը։ Ֆիլմի պրեմիերան Քվեբեկում կայացել է 2009 թվականի հունիսի 5-ին, իսկ Ֆրանսիայում՝ նույն թվականի հուլիսի 15-ին։
 ֆր.՝ J'ai tué ma mère | |
|---|---|
 | |
| Երկիր |  Կանադա[1] |
| Ժանր | դրամա[2][3][4], պատմություն հասունացման մասին, ԼԳԲՏ թեմայով ֆիլմ և կենսագրական ֆիլմ |
| Թվական | 2009[5] և փետրվարի 3, 2011[6] |
| Լեզու | ֆրանսերեն |
| Ռեժիսոր | Քսավյե Դոլան[7][8][9][…] |
| Պրոդյուսեր | Քսավյե Դոլան[9][1] և Դանիել Մորեն[10][5] |
| Սցենարի հեղինակ | Քսավյե Դոլան[1] |
| Դերակատարներ | Քսավյե Դոլան[7][8][11][…], Էնն Դորվալ[7][8][11][…], Ֆրանսուա Առնո[7][8][11][…], Նիլս Շնայդեր[7][11][12][…], Սյուզան Կլեման[7][11][12][…], Մանուել Տադրո[11][12][1], Մոնիկա Սպացիանի[11][12][1], Պատրիցիա Տուլասնե[7][11][12][…], Պիեռ Շանիոն[11][12][1], Բիանկա Ջերվիս[1], Բենուա Գուեն[1], Ֆրենսիս Դյուշարմ[1], Ջոաննա Մարի Թրեմբլե[1], Էմիլ Մայո[1], Laurent-Christophe De Ruelle?[1] և Հյուգոլին Շևրե-Լանդեսք[1] |
| Օպերատոր | Ստեֆանի Վեբեր Բիրոն և Nicolas Canniccioni? |
| Երաժշտություն | Nicholas Savard L'Herbier? |
| Մոնտաժ | Էլեն Ժիրար[5][1] |
| Պատմվածքի վայր | Մոնրեալ, Մոնտերեժի, Montmagny? և Coaticook? |
| Նկարահանման վայր | Մոնրեալ, Saint-Lambert?, Լոնգյոյ և Montmagny? |
| Տևողություն | 100 րոպե[5] |
| Պաշտոնական կայքէջ | |
Սյուժե
16-ամյա Յուբերը ապրում է իր մոր հետ Մոնրեալի արվարձանում։ Ֆիլմում պատմվում է մոր և որդու միջև տեղի ունեցող բազմաթիվ կոնֆլիկտների մասին, որոնք հասնում են հիվանդագին մակարդակի։ Ֆիլմն այն մասին է, թե ինչպես հարազատ մարդիկ կարող են պարադոքսալ հեռու լինել միմյանցից։
Այս ֆոնին դեռահասի կյանքում ի հայտ են գալիս առաջին սերը, հարկադրական քամինգ աութը, թմրանյութերը, կյանքում իր իրական տեղը գտնելու փորձերը…
Դերերում
- Էնն Դորվալ — Շանտալ Լեմմինգ
- Քսավյե Դոլան — Յուբեր Մինել
- Սյուզան Քլեման — Ժյուլի Կլությե
- Ֆրանսուա Արնո — Անտոնին
- Նիլս Շնայդեր — Էրիկ
Արտադրություն
Քսավյե Դոլանը գրել է իր ֆիլմի սցենարը, երբ եղել է 16 տարեկան[13]։ «Le Soleil» թերթի հարցազրույցում Դոլանը ասել է, որ ֆիլմը մասնակիորեն հիմնված է իր կենսագրության վրա[14]։
Նկարահանումների մի մասը Դոլնը ֆինասավորել է ինքնուրույն, իր կողմից ներդրումը կազմել է մոտ 175 հազար դոլար[13]։ Ֆիլմը ավարտելու համար նա ֆինանսական աջակցության նպատակով ստիպված է եղել դիմել երկու պետական ընկերությունների՝ Telefilm Canada և Société de développement des entreprises culturelles։ Սկզբում նա մերժվեց երկու ընկերությունների կողմից էլ, սակայն 2008 թվականի դեկտեմբերին SODEC-ը դրամական օժանդակություն տրամադրեց[14]։ Ֆիլմի ընդհանուր բյուջեն կազմել է 800 հազար դոլար[13]։
Մի քանի դրվագներում ֆիլմը ունի ընդհանրություններ Ֆրանսուա Տրյուֆոյի (նույնպես դեբյուտային) «400 զարկ» ֆիլմի հետ։ Այդ ֆիլմի պաստառը կարճ ժամանակով հայտնվում է «Ես սպանեցի մորս» ֆիլմի մի դրվագում։
Մրցանակներ
Քսավյե Դոլանը 2009 թվականի Կաննի կինոփառատոնում ստացել է երեք մրցանակ․
- «Երիտասարդների հայացք» լավագույն ֆիլմի համար «Ռեժիսորների երկշաբաթյակ» նախագծում,
- Art Cinema Award մրցանակ Միջազգային եվրոպական կոնֆեդերացիայի արտհաուսային կինոթատրոնների կողմից,
- Մրցանակ լավագույն ֆրանսալեզու ֆիլմի համար SACD դրամատիկ հեղինակների և կոմպոզիտորների հասարակության կողմից։
Ֆիլմը նաև պարգևատրվել է հետևյալ մրցանակներով․
- Ոսկե մրրկահավ, Միջազգային կինոփառատոն Ռեյկյավիկում
- Մոսկվայի 2MORROW փառատոնի Գրան պրի
- Ֆրանսուա Արնոն, ով խաղացել էր Անտոնինի՝ Յուբերի սիրեկանի դերը, 2010 թվականին Տորոնտոյում ստացավ VFCC Award մրցանակ երկրորդ պլանի լավագույն դերի համար։
Ծանոթագրություններ
Արտաքին հղումներ
- «Ես սպանեցի մորս»(անգլ.) ֆիլմը Internet Movie Database կայքում