Թայգր Շրոֆ
Թայգր Շրոֆ (հինդի՝ टाइगर श्रॉफ, անգլ.՝ Tiger Shroff, մարտի 2, 1990, Մումբայ, Հնդկաստան[1]), հնդիկ դերասան և մարտական արվեստների վարպետ։ Հայտնի կինոդերասան Ջեքի Շրոֆի և պրոդյուսեր Այեշա Դաթի[en] որդին է։
Թայգր Շրոֆ հինդի՝ टाइगर श्रॉफ | |
---|---|
Ծնվել է | մարտի 2, 1990 (34 տարեկան) |
Ծննդավայր | Մումբայ, Հնդկաստան[1] |
Քաղաքացիություն | Հնդկաստան |
Մայրենի լեզու | հինդի |
Երկեր | Baaghi? և Baaghi 3? |
Մասնագիտություն | դերասան, թեքվանդոյի մարզիկ, պարող և կասկադյոր |
Ծնողներ | հայր՝ Ջեքի Շրոֆ[2], մայր՝ Այեշա Դատ |
Tiger Shroff Վիքիպահեստում |
Կենսագրություն
Թայգրը ծնվել է 1990 թվականի մարտի 2-ին՝ Մումբայում, հայտնի դերասան Ջեքի Շրոֆի և նրա կնոջ՝ պրոդյուսեր, նախկին մոդել և դերասանուհի Այեշայի ընտանիքում[3][4][5]։ Ունի կրտսեր քույր՝ Կրիշնա[6][7]։ Նա գործադիր պրոդյուսեր է և ռեժիսորի օգնական։ Ունի խառը ծագում՝ հայրական գծով գուջարաթցի և ույղուր է, իսկ մայրական գծով՝ բելգիացի և բենգալացի է[8][9][10][11]։ Ավարտել է Բոմբեյի Ամերիկական դպրոցը[en]: Աամիր Խանին «Բայքերներ 3» ֆիլմում նկարահանվելու համար օգնել է հասնել անհրաժեշտ ֆիզիկական կեցվածքի։ Ունի թեկվոնդոյի սև գոտու հինգերորդ աստիճան։
2009 թվականի սեպտեմբերին, իր խոսքերով, նա մերժեց «Նորակոչիկ» հեռուստասերիալի գլխավոր դերը[12][13]։ 2011 թվականի մայիսին լուրեր տարածվեցին, որ Աամիր Խանը ցանկանում է նկարահանել նրան նոր նախագծում, սակայն պարզվեց, որ լուրը կեղծ է[14][15]։
2012 թվականի հունիսին նա վերջապես պայմանագիր կնքեց և առաջնաելույթ կատարեց «Սիրո իրավունքը»[en] ֆիլմում[16][17] մոդել և դերասանուհի Կրիտի Սանոնի հետ միասին, որն այդ ժամանակ արդեն ուներ մեկ նկարահանված ֆիլմ։ Ֆիլմը թողարկվեց 2014 թվականին և կոմերցիոն հաջողություն ունեցավ՝ չնայած քննադատների տարբեր արձագանքներին։ Իր դերի համար Թայգրը դրական արձագանքներ է ստացել քննադատների կողմից, որոնք հիմնականում գովաբանում էին նրա պարային հմտություններն ու հնարքներ կատարելու ունակությունը[18][19][20]։ Այս դերը նրան նաև արժանացրել է մի քանի տարբեր կինոմրցանակների։
2016 թվականին Թայգրը Շրադհա Կապուրի հետ նկարահանվել է «Բունտարար»[en] մարտ-դրամա ֆիլմում, որը կոմերցիոն հաջողություն ուներ[21]։ Նույն թվականին թողարկվեց սուպերհերոսական «Թռչող Ջաթ»[en] ֆիլմը, որը տապալվեց տոմսարկղերում, ի տարբերություն Թայգրի նախորդ երկու ֆիլմերի, և դարձավ նրա կարիերայի առաջին անհաջողությունը[22]։
2017 թվականին թողարկվեց Munna Michael[en] ֆիլմը, որը պատմում էր մի մարդու մասին, ով Մայքլ Ջեքսոնի մեծ երկրպագուն էր։ Իրական կյանքում՝ 2014 թվականին Թայգրը տեսահոլովակ նկարեց, որտեղ նա կատարում էր Ջեքսոնի պարը, և նույն ելույթներով հանդես եկավ նաև մի քանի կինոմրցանակաբաշխություններում[23]։ Նրա գործընկերը Նիդհի Ագերվալն էր՝ ֆոտոմոդել և փորձառու պարուհի, որի համար այս ֆիլմը դարձավ կինոնկարի դեբյուտ[24]։ Ֆիլմը քննադատների կողմից բացասական արձագանք ստացավ և ձախողվեց վարձույթում[25]։
2018 թվականին թողարկվեց «Բունտարար 2» ֆիլմը, որտեղ Թայգրը կրկին նկարահանվեց Դիշա Պատանիի հետ, և չնայած քննադատների բացասական արձագանքներին, ֆիլմը մի քանի օրվա ընթացքում դարձավ բլոկբաստեր[26][27]։ 2019 թվականին Թայգրը նկարահանվեց «Տարվա ուսանող 2» ֆիլմում, որը 2012 թվականի համանուն ֆիլմի շարունակությունն էր, որտեղ իրենց դեբյուտը կատարեցին հայտնի պարուհի, երգչուհի և հեռուստատեսային դերասանուհի Թարա Սութարիան և սկսնակ դերասանուհի Անանյա Պանդին՝ հայտնի դերասան Չանկի Պանդեյի դուստրը։ Ֆիլմը վաստակեց կոմերցիոն հաջողություն և դրական գնահատականների արժանացավ քննադատների կողմից։ Այժմ Թայգրը Հրիթիկ Ռոշանի հետ նկարահանվում է Fighters ֆիլմում։ Նա նաև ստորագրել է Ռեմբո հնդկական ֆիլմի պայմանագրի մեջ, որի առաջին պաստառը թողարկվել է 2017 թվականին, բայց գլխավոր դերակատարի զբաղվածության պատճառով ֆիլմը հետաձգվել է մինչև 2019 թվականը[28][29]։
Անձնական կյանքը
2016 թվականից հանդիպում է դերասանուհի Դիշա Պատանիի հետ[30][31]։ Բուսակեր է և առողջ ապրելակերպի կողմնակից[32]։
Ֆիլմագրությունը
Թվական | Անվանում | Բնօրինակ անվանում | Կերպար |
---|---|---|---|
2014 | Սիրո իրավունք | Heropanti | Բաբլու |
2016 | Բունտարար | Baaghi | Ռոնի |
2016 | Թռչող Ջաթ | A Flying Jatt | Աման (Թռչող Ջաթ) |
2017 | Մուննա Մայքլ | Munna Michael | Մուննա |
2018 | Բունտարար 2 | Baaghi 2 | Ռոնի |
2019 | Տարվա ուսանող 2 | Student of the Year 2 | Rohan Sachdev |
2020 | Բունտարար 3 | Baaghi 3 | Ռոնի |
Որպես դերասան տեսահոլովակներում
Տարի | Տեսահոլովակ | Կատարող |
---|---|---|
2015 | Zindagi Aa Raha Hoon Main | Ատիֆ Ասլամ[en] |
Chal Wahan Jaate Hain (Կրիտի Սանոնի հետ) | Արաջիտ Սինգհ[en] | |
2016 | Befikra (Դիշա Պատանիի հետ) | Meet Bros, Aditi Singh Sharma |
Մրցանակներ և անվանակարգեր
Մրցանակներ և անվանակարգեր | |||||
---|---|---|---|---|---|
Տարի | Մրցանակ | Կատեգորիա | Ֆիլմ | Արդյունք | Հղումներ |
2014 | Stardust Awards | Հաջորդ օրվա տղամարդ սուպերաստղ | Սիրո իրավունք | Հաղթանակ | [33] |
Star Guild Awards | Լավագույն դեբյուտային տղամարդու դեր | Հաղթանակ | [34][35] | ||
2015 | Հնդկական կինոյի միջազգային ակադեմիայի մրցանակ | Տարվա աստղային տղամարդ դեբյուտ | Հաղթանակ | [36] | |
Life Ok Screen Awards | Ամենախոստումնալից նորեկ տղամարդ | Հաղթանակ | [37] | ||
Filmfare Awards | Filmfare Award լավագույն դեբյուտային տղամարդ դերի համար | Առաջադրված | [38] |
Ծանոթագրություններ
Արտաքին հղումներ
Վիքիպահեստն ունի նյութեր, որոնք վերաբերում են «Թայգր Շրոֆ» հոդվածին։ |