Թոմաս Ադես
Թոմաս Ադես ( նաև Ադես անգլ.՝ Thomas Adès, մարտի 1, 1971[1][2][3][…], Լոնդոն, Միացյալ Թագավորություն[4]), բրիտանացի կոմպոզիտոր, դաշնակահար, դիրիժոր։
Թոմաս Ադես | |
---|---|
Բնօրինակ անուն | անգլ.՝ Thomas Adès |
Ծնվել է | մարտի 1, 1971[1][2][3][…] (53 տարեկան) Լոնդոն, Միացյալ Թագավորություն[4] |
Երկիր | Միացյալ Թագավորություն[5] |
Ժանրեր | օպերա |
Մասնագիտություն | կոմպոզիտոր, դաշնակահար, դիրիժոր և երաժշտության ուսուցիչ |
Գործիքներ | դաշնամուր |
Աշխատավայր | Երաժշտության թագավորական ակադեմիա |
Լեյբլ | Գերմանական գրամոֆոն և EMI |
Կրթություն | Գիլդհոլի երաժշտության և թատրոնի դպրոց[6], Թագավորական քոլեջ, Քեմբրիջ[6], Համալսարանի քոլեջի դպրոց[6] և Սուրբ Ջոնի քոլեջ[6] |
Պարգևներ | |
Կայք | thomasades.com |
Thomas Adès Վիքիպահեստում |
Կենսագրություն
Սովորել է Գիլդհոլի երաժշտության և թատրոնի դպրոցում Փոլ Բերկովիցայի (անգլ.՝ Paul Berkowitz, դաշնամուր) և Ռոբերտ Սեքստոնի (կոմպոզիցիա) մոտ, ապա ավարտել է Քեմբրիջի արքայական քոլեջը (1992, գերազանց), որտեղ սովորել է Ալեքսանդր Գյորի և Ռոբինա Հոլլոուեյի մոտ։
1993֊1995 թվականներին եղել է Հալլե նվագախմբի կոմպոզիտոր, իսկ 1998֊2000 թվականներին՝ Բիրմինգմի ժամանակակից երաժշտության կամերային նվագախմբի երաժշտական առաջին ղեկավար։ 1999֊2008 թվականներին եղել է Ալդբորոյի փառատոնի գեղարվեստական ղեկավար, 2000 թվականից՝ Օխայում անցկացվող կալիֆորնիական երաժշտական ամենամյա փառատոնի կոմպոզիտոր։
Եղել է Թագավորական երաժշտական ակադեմիայի (Լոնդոն) կոմպոզիցիայի պրոֆեսոր։
Եղել է դիրիժոր ինչպես իր սեփական, այնպես էլ այլ կոմպոզիտորների ստեղծագործությունների ժամանակ[9]։ Հանդես է եկել BBC֊ի նվագախմբի, Նյու Յորքի ֆիլհարմոնիկ նվագախմբի, «Լոնդոնի Սիմֆոնիետա» կամերային նվագախմբի և բազմաթիվ հայտնի նվագախմբերի հետ։
Նաև հանդես է գալիս որպես դաշնակահար, իսկ սոլո սկավառակը թողարկվել է EMI ստուդիայի կողմից։
Անձնական կյանք
Ադոսը ամուսնացած է իսրայելացի վիդեոդիզայներ և ռեժիսոր Թալ Ռոզների հետ (ծն. 1978) 2006 թվականին քաղաքացիական ամուսնություն է գրանցել[10]։
Ստեղծագործություն
1990 թվականին թողարկել է «Էլիոթյան հինգ լանդշաֆտ» առաջին ստեղծագործությունը գրված սոպրանոյի և դաշնամուրի համար։
Նրա օպերաները բեմադրվել են բազմաթիվ օպերային թատրոններում, այդ թվում նաև Մետրոպոլիտեն օպերայում[9] ։ 2007 թվականին Ադեսի ստեղծագործությունները ներկայացվել են Լոնդոնի Բարբիկան կենտրոնում, Հելսինկի փառատոնի ընթացքում և ֆրանսիական ռադիոյում։
Ընտրված գործեր
Վոկալային գործեր
- Օմար Խայամի, Թենեսի Ուիլյամսի, Ֆիլիպ Լարկինի և ուրիշների ստեղծագործությունների հիման վրա,
- Մեցցո-սոպրանոյի, երգչախմբի և «Ամերիկա» նվագախմբի համար պիես (1999),
- «Բրամս» պիեսը բարիտոնի և նվագախմբի համար (2001),
Օպերաներ
- «Դիմափոշի քսիր նրա դեմքին» (անգլ. Powder Her Face, 1995, լիբրետոն՝ Ֆիլիպ Հենշերի )
- «Մրրիկ» (2004, Շեքսպիրի դրամայի հիման վրա)
- «The Exterminating Angel» (2016, Նախատեսված է ցուցադրել 2017 թվականին)[11],
Կամերային երաժշտություն
- Կամերային սիմֆոնիա (1993)
- «Կենդանի խաղալիքներ» կոնցերտը կամերային նվագախմբի համար (1993),
- «Արկադիանա»լարային քառյակ (1998),
- Կվինտետ դաշնամուրի համար (2005)
Կոնցերտներ
- «Քայլեր շրջանագծի շուրջ» ջութակի կոնցերտ (2005),
- «Յոթ օրում» դանամուրի և երգչախմբի համար գրված կոնցերտը (2008),
Սիմֆոնիկ ստեղծագործություններ
- «Asyla» երգչախմբի համար (1997, ստեղծագործությունը առաջին անգամ կատարվել է Բիրմինգհեմի երգչախմբի կողմից, Սայմոն Ռետլի ղեկավարությամբ),
- «Polaris» երգչախմբի համար (2011, կատարվել է «Նոր համաշխարհային սիմֆոնիա» երգչախմբի կողմից, Մայքլ Թիլսոն Թոմասի ղեկավարությամբ)[12]։
Սկավառակագրություն
Թոմաս Ադեսի ելույթների և ստեղծագործությունների ձայնագրությունները կատարել են Warner Classics[13], EMI Classics, Avie Records և այլ ընկերությունները[14]։
Կարծիքներ
Ըստ երաժշտական քննադատ Բ. Ֆիլանովսկու՝ Ադեսը պատկանում է «ժամանակակից այն հազվադեպ հրաշամանուկ-կոմպոզիտորների թվին, ովքեր մեծանալով դարձել են լուրջ մասնագետներ», քանի որ «արդեն 18 տարեկանում հասցրել էին գրել հիանալի ստեղծագործություններ՝ շարունակելով փոխվել և զարգանալ»[15]։
Բրիտանական բեմի հրաշամանուկի իր կարգավիճակը նա զարգացրեց՝ դառնալով ժամանակակից դասական երաժշտության ամենահեղինակավոր կերպարներից մեկը։ - (The New Yorker Magazine)[16] |
Մրցանակներ և անվանակոչություններ
- 2֊րդ տեղ դաշնակահարների շրջանում «BBC երիտասարդ երաժիշտ» անվանակարգում,
- Կոմպոզիտորների միջազգային տրիբունայի մրցանակ (Փարիզ, 1994 թ.) մինչև 30 տարեկան կոմպոզիտորների անվանակարգում «Կենդանի խաղալիքներ»-ի (անգլ. Living Toys)֊ համար[17],
- Թագավորական ֆիլհարմոնիկ ընկերության մրցանակ (1997), «խոշոր արտադրանք» անվանակարգում, «Ապաստարան» պիեսի համար[18],
- Լինքոլն կենտրոնի Կամերային երաժշտության ընկերության Elise L. Stoeger մրցանակ, «Արկադիանա»֊ի համար,
- Զատկի փառատոնի մրցանակ (Զալցբուրգ, 1999),
- Էռնստ ֆոն Սիմենսի մրցանակ (1999)[19],
- Գրավմայերի մրցանակ (2000) «Ապաստարան» պիեսի համար,
- Հինդեմիթի մրցանակ (2001)
- Էսսեքսի համալսարանի պատվավոր դոկտոր (2004),
- Թագավորական ֆիլհարմոնիկ ընկերության մրցանակ (2005 թ.) - «Փոթորիկ»֊ի համար
- Classical BRIT Awards (2010) ՝ Տարվա կոմպոզիտոր անվանակարգում
- Գրեմմիի մրցանակ (2014) «Մրրիկ» օպերայի համար (Մետրոպոլիտեն֊ օպերա, Դիրիժոր՝ Թ․ Ադես․ Deutsche Grammophon)[20][21]։
Ծանոթագրություններ
Գրականություն
- Cao H. Thomas Adès le voyageur: Devenir compositeur, être musicien. — Paris: MF, 2007.
- Шапинская Е. Н. «Сны Просперо, рассказанные языком современной музыки: фантасмагория Томаса Адеса на тему „Бури“ Уильяма Шекспира» // «Культура культуры». 2014. Т. 3. № 3 (3).
- Fox, Daniel. 2014. "Multiple Time-scales in Adès’s Rings" in Perspectives of New Music v.52, no.1.
Արտաքին հղումներ
- Анатольев Х. (2013 թ․ հոկտեմբերի 31). «От Люлли до Адеса, отдавая должное Мендельсону и Стравинскому» (ռուսերեն). Кстати. Վերցված է 2014 թ․ ապրիլի 3-ին.
- «Томас Адес» (ռուսերեն). Каданс: Персональный сайт Кривонос Марии. Վերցված է 2014 թ․ ապրիլի 3-ին.
- «Thomas Adès: Biography» (անգլերեն). Warner Classics. 2013 թ․ մարտի 22. Վերցված է 2014 թ․ ապրիլի 4-ին.
- «Thomas Adès» (ֆրանսերեն). Ircam-Centre Pompidou. Վերցված է 2014 թ․ ապրիլի 4-ին.
- «Thomas Adès : Biography» (անգլերեն). EMI Classics. 2000-09. Արխիվացված է օրիգինալից 2006 թ․ մարտի 25-ին. Վերցված է 2014 թ․ ապրիլի 4-ին.
Վիքիպահեստն ունի նյութեր, որոնք վերաբերում են «Թոմաս Ադես» հոդվածին։ |