Ինֆորմատիկայի ֆրանկոֆոն ինստիտուտ

Ինֆորմատիկայի ֆրանկոֆոն ինստիտուտ (ֆր.՝ The Institut de la Francophonie pour l'Informatique (IFI)), ինֆորմատիկայի բնագավառում մագիստրոսի աստիճան շնորհող ուսումնական հաստատություն Վիետնամում։

Ինֆորմատիկայի ֆրանկոֆոն ինստիտուտ
Տեսակ	համալսարան
Հիմնադրված է	1995
Երկիր	Վիետնամ
Տեղագրություն	Հանոյ
Կայք	ifi.auf.org
Ինֆորմատիկայի ֆրանկոֆոն ինստիտուտ, Վիետնամ

Վիետնամի կառավարության պահանջով ստեղծվել և ֆինանսավորվել է 1995 թվականին Ֆրանկոֆոնիայի համալսարանական գործակալության կողմից Վիետնամում բարձր մակարդակի ինժեներների և ինֆորմատիկայի բնագավառի դասախոսների վերապատրաստման համար։ Ծրագիրը ֆինանսավորող երկրներն ու տարածաշրջաններն են` Վալոնիա, Բելգիա, Քվեբեկ, Կանադա, Ֆրանսիա, ֆրանսախոս Շվեյցարիա և Լյուքսեմբուրգ։

Ինֆորմատիկայի ֆրանկոֆոն ինստիտուտը ուսանողներ է հավաքագրում Վիետնամից և այլ ֆրանսախոս երկրներից։ Ֆրանկոֆոնիայի համալսարանական գործակալության անդամ համալսարանի (ինչպիսիք են Télécom ParisTech, Լյովենի կաթոլիկ համալսարան, Մոնրեալում Քվեբեկի համալսարան և այլն) դասախոսները դասավանդում են նաև Ինֆորմատիկայի ֆրանկոֆոն ինստիտուտում։ Բոլոր դասախոսությունները ֆրանսերենով են։

Սովորաբար, ավարտական պրակտիկան անցկացվում է արտասահմանում (Եվրոպա կամ Կանադա) արդյունաբերական ոլորտներում, համալսարաններում կամ հետազոտական լաբորատորիաներում։ Հետազոտական պրակտիկան հաճախ դեպի դոկտորական կամրջի դեր է խաղում։ Արդյունաբերական պրակտիկաներն իրականացվում են ծրագրային ապահովման զարգացման նախագծային առաջնորդի պրոֆիլ փնտրող կազմակերպությունները։

Ինֆորմատիկայի ֆրանկոֆոն ինստիտուտը Վիետնամում համարվում է ինֆորմատիկայի լավագույն համալսարաններից մեկը։ Ուսանողների մոտ մեկ երրորդը շարունակում է հետբուհական կրթությունը արտասահմանյան բուհերում, շատերը դառնում են Վիետնամում ծրագրային ընկերությունների մասնագետներ կամ ընկերությունների հիմնադիրներ։