Իվետ Շովիրե
Իվետ Շովիրե (ֆր.՝ Yvette Chauviré), (ապրիլի 22, 1917[1][2][3][…], Փարիզի 14-րդ շրջան, Փարիզ[1][4][5] - հոկտեմբերի 19, 2016[6][1][2][…], Փարիզի 15-րդ շրջան, Փարիզ[6][1][3][…]), բալետի ֆրանսիացի պարուհի, բալետային արվեստի ուսուցիչ, համաշխարհային բալետի ամենավառ աստղերից մեկը[7]։ 1964 թվականին արժանացել է Պատվավոր Լեգեոնի շքանշանի[8]։
| Իվետ Շովիրե ֆր.՝ Yvette Chauviré | |
|---|---|
 | |
| Ծնվել է | ապրիլի 22, 1917[1][2][3][…] |
| Ծննդավայր | Փարիզի 14-րդ շրջան, Փարիզ[1][4][5] |
| Մահացել է | հոկտեմբերի 19, 2016[6][1][2][…] (99 տարեկան) |
| Մահվան վայր | Փարիզի 15-րդ շրջան, Փարիզ[6][1][3][…] |
| Գերեզման | Պեր Լաշեզ և Grave of Chauviré |
| Քաղաքացիություն |  Ֆրանսիա |
| Մասնագիտություն | բալետի պարող և պարուսույց |
| Պարգևներ և մրցանակներ |   և  |
 Yvette Chauviré Վիքիպահեստում | |
Կենսագրություն
Իվետ Շովիրեն[9] ծնվել է 1917 թվականի ապրիլի 22-ին Փարիզում։ Բալետով զբաղվել է 10 տարեկանից՝ հաճախելով «Գրանդ» օպերային կից դպրոցը (1927-1931 թթ.)[10]: Սովորել է Բ. Կնյազևի և Վ. Գզովսկու մետ։ 13 տարեկանից հայտնվում է մասնագետների ուշադրության կենտրոնում։ Արդեն 1941 թվականից Շովիրեն դառնում է «Գրանդ» օպերայի առաջատար պարուհին[11] :
Կարիերա
Սկսած 1963 թվականից Շովիրեն հանդես է գալիս նաև բալետային այլ հեղինակավոր խմբերի կազմում, այդ թվում՝ Փարիզի «Ելիսեյան դաշտերի թատրոնի» և Միլանի «Լա Սկալայի»։ Այս տարիներին նա արդեն համաշխարհային բալետի ամենահայտնի ու պահանջված աստղերից էր։ «Գրանդ» օպերայի բեմում Շովիրեի վերջին ելույթը կայացել է 1972 թվականին։ Նույն թվականին Ֆրանսիայում ստեղծվել է «Իվետ Շովիրեի անվան մրցանակը։ Կարիերայի ավարտից հետո Շովիրեն դասավանդում էր «Գրանդ» օպերային կից դպրոցում։
Շովիրեն հատկապես փայլել է Ա. Ադանի «Ժիզել», Բ. Բարտոլինի՝ Չայկովսկու երաժշտության հիման վրա ստեղծված «Ռոմեո և Ջուլիետ» բալետներում։ Նա բազմիցս հանդես է եկել համաշխարհային բալետի լեգենդար ներկայացուցիչներից մեկի՝ Ռուդոլֆ Նուրիևի հետ։ Վերջինս Իվետին «լեգենդ» էր անվանում։
Շովիրեն նաև բեմադրիչ էր. նա «Լա Սկալայում» բեմադրել է «Ժիզելը», «Ռոմեո և Ջուլիետը» և այլ բալետներ։ Տաղանդավոր պարուհին նկարահանվում էր նաև ֆիլմերում։ 1997 թվականին հրատարակում է իր ինքնակենսագրությունը։
Հրատարակված աշխատություններ
- Je suis ballerine (1960)[12]
Պարգևներ
Արտաքին հղումներ
• Marie-Claude Pietragalla & Yvette Chauviré: Les Deux Pigeons YouTube video; retrieved 22 January 2016.
Ծանոթագրություններ
 | Վիքիպահեստն ունի նյութեր, որոնք վերաբերում են «Իվետ Շովիրե» հոդվածին։ |