Լարա Ֆլին Բոյլ
Լարա Ֆլին Բոյլ (անգլ.՝ Lara Flynn Boyle, մարտի 24, 1970[1], Դավենփորթ, Այովա, ԱՄՆ), ամերիկացի դերասանուհի, որն առավել հայտնի է «Թվին Փիքս» և «Պրակտիկա» հեռուստասերիալներում խաղացած դերերով[2]։
Լարա Ֆլին Բոյլ անգլ.՝ Lara Flynn Boyle | |
---|---|
Ծնվել է | մարտի 24, 1970[1] (54 տարեկան) |
Ծննդավայր | Դավենփորթ, Այովա, ԱՄՆ |
Կրթություն | Chicago Academy for the Arts? |
Քաղաքացիություն | ԱՄՆ |
Մասնագիտություն | հեռուստատեսային դերասանուհի, կինոդերասանուհի, դերասանուհի և երգչուհի |
Համատեղ ապրող(ներ) | Քայլ Մաքլախլեն և Ջեք Նիքոլսոն |
Կենսագրություն
Լարա Ֆլին Բոյլն առաջին անգամ հայտնվել է էրկրանին «Ferris Bueller’s Day Off» (1986) ֆիլմում ոչ մեծ դեր խաղալով, որից հետո նա դարձել է Դերասանական գիլդիայի անդամ` չնայած իր մասնակցությամբ տեսարանը չի ներառվել ֆիլմի վերջնական տարբերակում։ Հետագայում՝ նախքան նրա առաջին գլխավոր դեր («Թվին Փիքս» պաշտամունքային սերիալում սպանված Լորա Փալմերի ընկերուհու՝ Դոննա Հայվորդի դերը) ստանալը, որը նրան դարձրել է հայտնի, նա նկարահանվել է «Ամերիկա» (1987), «Պոլտերգեյստ 3» (1988) և «Մեռած պոետների հասարակություն» ֆիլմերում։
1991 թվականին՝ սերիալի ավարտին, դրա ստեղծող և ռեժիսոր Դեյվիդ Լինչը թողարկել է «Թվին Փիքս։ Կրակ, արի ինձ մոտ» լիամետրաժ ֆիլմը, բայց Բոյլը հրաժարվել է մասնակցել նկարահանումներին հիմնականում աճող համբավի և մեծ թվով առաջարկների պատճառով։ Այս ֆիլմում Դոննայի դերը խաղացել է Մոյրա Քելին։
1990-ականների սկզբին, հաջողության տարբեր աստիճանի ֆիլմերում նկարահանվելով, Բոյլը ջանում էր իր համար անուն ստեղծել։
Վերջապես 1997 թվականին Բոյլը լսել է «Էլի Մաքբիլ» սերիալի գլխավոր դերի մասին։ Չնայած նրան, որ գլխավոր դերը ստացել է Քալիստա Ֆլոքհարթը, Բոյլն այնքան էր տպավորել սերիալի ստեղծող Դևիդ Քելեյին, որ նա իր արտադրության այլ սերիալում՝ «Պրակտիկա»-ում (1997), հատուկ Բոյլի համար ստեղծել է շրջանային դատախազի օգնական Հելեն Գեմբելի դերը։ Բոյլն այս սերիալում նկարահանվել է մինչև 2003 թվականը, երբ նկարահանումների բյուջեի վերակազմավորելու անհաջող փորձից հետո նրան, ինչպես նաև դերասանական հիմնական կազմի մեծ մասին հեռացրել են[3]։ Հելենի դերի համար ստացել է «Էմմի» մրցանակի անվանակարգ։
2002 թվականին Բոյլը խաղացել է «Սևազգեստ մարդիկ 2» բլոկբաստերի գլխավոր դերերից մեկը։ 2005 թվականին միացել է «Լաս Վեգաս» սերիալի դերասանական կազմին՝ խաղալով Մոնիկայի՝ հյուրանոցի նոր տիրուհու դերը։
2000-ականների կեսերից սկսած Բոյլի կարիերան անկում է ապրել, և նա հիմնականում նկարահանվել է ցածր բյուջետային ֆիլմերում։ Ավելի հաճախ նա մամուլում հայտնվել է պլաստիկ վիրահատությունների հետևանքով փոփոխվող արտաքին տեսքի պատճառով, որի պատճառով դերասանուհու դեմքը դարձել է գրեթե անճանաչելի[4][5][6]։
Ֆիլմագրություն
Տարի | Անվանում | Բնօրինակ անվանում | Դեր | |
---|---|---|---|---|
1987 | ս | Ջեք և Մայք | Jack and Mike | Լեսլի |
1987 | ս | Ամերիկա | Amerika | Ջեքի Բրեդֆորդ |
1988 | ֆ | Պոլտերգեյստ 3 | Poltergeist III | Դոնա Գարդներ |
1989 | ֆ | Ինչպես հայտնվեցի քոլեջում | How I Got Into College | Ջեսիկա Կայլո |
1989 | ֆ | Մեռած պոետների հասարակություն | Dead Poets Society | Ջինի Դենբերի |
1989 | հֆ | Շրջանավարտի մահը | The Preppie Murder | Ջենիֆեր Լևին |
1990 | ֆ | Նորեկը | The Rookie | Սառա |
1990-1991 | ս | Թվին Փիքս | Twin Peaks | Դոնա Հեյվորդ |
1991 | ֆ | Ավազակներ | Mobsters | Մարա Մոթս |
1991 | ս | Գաղտնի սենյակ | The Hidden Room | Նիկոլ |
1992 | ֆ | Ուեյնի աշխարհը | Wayne's World | Սթեյսի |
1992 | ֆ | Գիշերահավասար | Equinox | Բևերլի Ֆրենքս |
1993 | ֆ | Ժամանակավոր քարտուղարուհի | The Temp | Քրիս Բոլին |
1994 | ֆ | Երեք հոգի | Threesome | Քրիս Բոլին |
1994 | ֆ | Փոքրիկը զբոսնելիս | Baby's Day Out | Լարեյն Կոտուել |
1997 | ֆ | Կարմիր միս | Red Meat | Ռութ |
1997 | ֆ | Ֆարմեր և Չեյզ | Farmer & Chase | Հիլարի |
1997 | ֆ | Մայրամուտի վրա | Afterglow | Մարիաննա Բայրոն |
1998 | ֆ | Երջանկություն | Happiness | Հելեն Ջորդան |
2000 | ֆ | Անշնորհքները | Chain of Fools | Կարեն |
1998-2002 | ս | Էլի Մաքբիլ | Ally McBeal | Հելեն Գամբլ / Թալի Կապ |
2002 | ֆ | Սևազգեստ մարդիկ 2 | Men in Black II | Սեռլինա |
1997-2003 | ս | Պրակտիկա | The Practice | Հելեն Գամբլ |
2005-2006 | ս | Լաս Վեգաս | Las Vegas | Մոնիկա Մանկուզո |
2006 | ֆ | Կույրերի երկիր | Land of the Blind | առաջին տիկին |
2006 | հֆ | Սևի երանգներ։ Քոնրադ Բլեքի պատմությունը | Shades of Black: The Conrad Black Story | Բարբարա Ամել |
2008 | ս | Օրենք և կարգ | Law & Order | Դոուն Թալի |
2009 | ֆ | Քրեքթաունի ուրախ կյանքը | Life Is Hot in Cracktown | Բեթի Մաքբեյն |
2011 | ֆ | Գիշատիչ որս | Cougar Hunting | Քեթի |
Ծանոթագրություններ
Վիքիպահեստն ունի նյութեր, որոնք վերաբերում են «Լարա Ֆլին Բոյլ» հոդվածին։ |