Լենս Բաս
Ջեյմս Լենս Բաս (անգլ.՝ James Lance Bass, մայիսի 4, 1979[1][2], Laurel, Միսսիսիպի, ԱՄՆ), ամերիկացի երգիչ և դերասան, հայտնի է որպես «’N Sync» փոփ խմբի մասնակիցներից մեկը։
| Լենս Բաս | |
|---|---|
 | |
| Ի ծնե անուն | անգլ.՝ James Lance Bass |
| Ծնվել է | մայիսի 4, 1979[1][2] (45 տարեկան) Laurel, Միսսիսիպի, ԱՄՆ |
| Երկիր |  ԱՄՆ |
| Ժանրեր | փոփ |
| Մասնագիտություն | կինոպրոդյուսեր, կինոդերասան, երգիչ, պարող, հնչյունավորող, երաժիշտ, ինքնակենսագիր, թատրոնի դերասան, դերասան, հեռուստատեսային դերասան և հեռուստատեսային պրոդյուսեր |
| Երգչաձայն | բաս |
| Գործիքներ | վոկալ |
| Լեյբլ | Jive Records |
| Կրթություն | Clinton High School? |
| Անդամակցություն | NSYNC և SAG-AFTRA |
| Ամուսին | Michael Turchin? |
| Կայք | lancebass.com |
 Lance Bass Վիքիպահեստում | |
Կենսագրություն
Երբ Բասը երեխա էր, նրա ծնողները Լորելից տեղափոխվել են Քլինթոն։ Լենսը ոչ թե ավարտել է միջնակարգ դպրոցը, այլ սովորել է Նեբրասկա նահանգի համալսարանի ծրագրով` կրկնուսույցների հետ։ Երաժշտության հանդեպ սիրուց բացի Բասը հետաքրքրվել է բնական գիտություններով, իսկ վաղ մանկության տարիներին նա երազել է տիեզերագնաց դառնալ։ Խմբի փլուզումից կարճ ժամանակ առաջ Լենսն ընդունվել է տեղի քոլեջներից մեկի առաջին կուրսը, որտեղ նա ուսումնասիրել է շոու-բիզնեսի ոլորտում մենեջմենթի հիմունքները։
Երաժշտական կարիերա
Բասերի ընտանիքը Լորելից տեղափոխվել է Քլինթոն, և Բասը իր երաժշտական կարիերան սկսել է դպրոցական երգչախմբում յոթերորդ դասարանում։ Մեկ տարի անց Լենսը միացել է Mississippi Show Stoppers խմբին, որը հովանավորվում էր Միսիսիպի նահանգի հողագործության և անտառաբուծության թանգարանի կողմից։ Նրանց հետ տեղի է ունեցել Լենսի առաջին ելույթը՝ նա բեմի վրա հայտնվել է Պուֆու փոքրիկ շան կոստյումով։
Ջասթին Թիմբերլեյքի և երեք այլ կատարողների հետ նա արագ ժողովրդականություն ձեռք բերած «'N Sync» փոփ խմբի մենակատարն էր։ Լենսը փոփ խմբում ամենահամեստն էր։ Նրա խոսքով՝ ինքն իրեն բեմին ավելի վստահ է զգում պարային շարժումներ անելիս։ Խմբում Լենսին անվանում էին «№ 2 սիրունիկ» կամ Լենստեն։
Հյուրախաղերի ժամանակ տարած սթրեսներից Լենսն ազատվում է տեսախաղերի միջոցով։
Չկայացած թռիչք դեպի տիեզերք
Լենսը պատրաստվում էր դառնալ երրորդ տիեզերական զբոսաշրջիկը և անցել էր մարզումների փուլն ու նույնիսկ համապատասխանում էր ֆիզիկական չափանիշներով։ Նախաթռիչքային պատրաստության կուրսից հետո նրանից պահանջվում էր միայն բավականին մեծ գումար վճարել` նավի վրա հայտնվելու համար, սակայն ֆինանսական խնդիրների պատճառով թռիչքը չ կայացել[3]։
Անձնական կյանք
Լենսը խոստովանել է իր միասեռական կողմնորոշումը հայտնի «People» ամսագրի շապիկին[4]։ Նույն հարցազրույցում 27-ամյա Բասը հրապարակավ հայտարարել է 32-ամյա Ռեյչեն Լեմկուլի հետ հարաբերությունների մասին։ Սակայն նույն տարում զույգը բաժանվել է[5]։
2014 թվականի դեկտեմբերի 20-ին Բասն ամուսնացել է իր ընկերոջ՝ Մայքլ Տուրչինի հետ, որի հետ հանդիպել է մոտ 4 տարի։ Հարսանիքը կայացել է Լոս Անջելեսում[6]։
Ֆիլմագրություն
| Տարի | Հայերեն անվանում | Բնօրինակ անվանում | Կերպար |
|---|---|---|---|
| 2001 | Կապի մեջ | On the Line | Քևին |
| 2001 | Օրինակելի արու | Zoolander | |
| 2005 | Մարդագայլեր | Cursed | |
| 2005 | Սերը կղզում | Lovewrecked | Դեն |
| 2007 | Հայտարարում եմ ձեզ Չակ և Լարի | I Now Pronounce You Chuck & Larry | խմբի ֆրոնթմեն |
| 2008 | Անհաջողության զինվորները | Tropic Thunder | Կամեո |
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Լենս Բաս» հոդվածին։ |