Լուկա (Մալթա)
Լուկա (մալթ.՝ Ħal Luqa, բառացի՝ բարդի), գյուղ Մալթայի հարավում։ Այս հին գյուղը՝ խիտ բնակչությամբ, տիպական է Մալթա կղզու համար։ 2004 թվականի մարտի դրությամբ գյուղն ունեցել է 5.945 բնակիչ[2]։ Գլխավոր հրապարակում կա եկեղեցի՝ նվիրված Անդրեաս առաքյալին[3]։ Սուրբ Անդրեաս առաքյալի տոնն ավանդաբար նշվում է հուլիսի առաջին կիրակի օրը[4]։
Բնակավայր | |||||
---|---|---|---|---|---|
Լուկա | |||||
| |||||
Երկիր | Մալթա | ||||
Մակերես | 6,28 կմ² | ||||
ԲԾՄ | 75 մետր | ||||
Բնակչություն | 5945 մարդ (մարտի 31, 2014)[1] | ||||
Հեռախոսային կոդ | 395 | ||||
Փոստային դասիչ | LQA | ||||
Նշանավոր գյուտարար, ժամագործ Միքելանջելո Սապյանոն (1826-1912) ապրել է Լուկայում։ Նա պատրաստել է տարբեր տեսակի ժամացույցներ. զանգակատան ժամացույցի հեղինակը ևս նա է։ Տունը, որտեղ ապրել է ժամագործը, գտնվում է Պաուլա Մագրի փողոցում[5]։
Պատմություն
Լուկան հիմնադրևվել է 1634 թվականին Հռոմի Ուրբանոս VIII-ի հրամանով։ 1592 թվականին այն տուժել է բուբոնային ժանտախտից, որն այդ ժամանակ տարածված էր Մալթայի շատ բնակավայրերում և բազմաթիվ մարդկային կյանքեր էր խլել։ Այս ցավալի իրադարձության վկան է գերեզմանատունը, որը հայտնաբերվել է Կարմել փողոցում. այստեղ մարդիկ թաղված են գերեզմանի վերածված դաշտավայրում։
Լուկայի համար ևս մեկ ողբերգություն է եղել խոլերայի համաճարակը 1850 թվականին, երբ մահացել է 13 մարդ։ Ի վկայություն այս իրադարձության՝ Վալետո Ռոուդում մինչ օրս պահպանվել է գերեզմանոց։
20-րդ դարի սկզբներին Լուկան ճանաչում է ստացել օդանավակայանի շնորհիվ։ Մեծ Բրիտանիայի թագավորական ռազմաօդային ուժերը Լուկայի մոտ հիմնադրել են օդանավակայան, որը հետագայում դարձել է քաղաքացիական։ Այդ ուժերը օդանավակայանն օգտագործել են մինչև 1979 թվականի մարտի 31-ը, երբ այն նվիրվել է Մալթայի կառավարությանը քաղաքացիական նպատակներով։
Երկրորդ համաշխարհային պատերազմի ժամանակ Լուկայում շատ մարդիկ են մահացել, ինտենսիվ ռմբակոծման արդյունքում ավերվել են շատ շինություններ։ Մինչ օրս Լուկայում հիշում են այն ողբերգությունը, որ տեղի է ունեցել 1942 թվականի ապրիլի 9-ին։ Այդ օրը ռումբն ընկել է ռազմապաստարանի վրա, և ներսում եղած մարդիկ կենդանի թաղվել են։ Տեղական խորհուրդը մինչ օրս հիշում է մարդկանց, որոնք մահացել են պատերազմի ժամանակ, և դրան ի հիշատակ՝ պսակ դնելու արարողություն է կատարվում, որին մասնակցում են տեղական այլ կազմակերպություններ, ակումբներ։
Լուկայի հովանավորն է համարվում Անդրեաս առաքյալը։ Լուկայում կա նրան նվիրված արձան՝ երկհարկանի շեքօի բարձրությամբ։
Կլիմա
Մալթա (Լուկա, 1981–2010)ի կլիմայական տվյալները | |||||||||||||
---|---|---|---|---|---|---|---|---|---|---|---|---|---|
Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
Միջին բարձր °C (°F) | 15.6 (60.1) | 15.6 (60.1) | 17.3 (63.1) | 19.8 (67.6) | 24.1 (75.4) | 28.6 (83.5) | 31.5 (88.7) | 31.8 (89.2) | 28.5 (83.3) | 25.0 (77) | 20.7 (69.3) | 17.1 (62.8) | 23.0 (73.4) |
Միջին օրական °C (°F) | 12.8 (55) | 12.5 (54.5) | 13.9 (57) | 16.1 (61) | 19.8 (67.6) | 23.9 (75) | 26.6 (79.9) | 27.2 (81) | 24.7 (76.5) | 21.5 (70.7) | 17.7 (63.9) | 14.4 (57.9) | 19.3 (66.7) |
Միջին ցածր °C (°F) | 9.9 (49.8) | 9.4 (48.9) | 10.6 (51.1) | 12.4 (54.3) | 15.5 (59.9) | 19.1 (66.4) | 21.7 (71.1) | 22.6 (72.7) | 20.8 (69.4) | 18.1 (64.6) | 14.6 (58.3) | 11.6 (52.9) | 15.5 (59.9) |
Տեղումներ մմ (դյույմ) | 98.5 (3.878) | 60.1 (2.366) | 44.2 (1.74) | 20.7 (0.815) | 16.0 (0.63) | 4.6 (0.181) | 0.3 (0.012) | 12.8 (0.504) | 58.6 (2.307) | 82.9 (3.264) | 92.3 (3.634) | 109.2 (4.299) | 595.8 (23.457) |
Միջ. տեղումների օրեր (≥ 1.0 mm) | 10 | 7 | 5 | 4 | 1 | 1 | 0 | 1 | 4 | 6 | 9 | 10 | 58 |
Միջին ամսական արևային ժամ | 176.7 | 194.3 | 235.6 | 261.0 | 310.0 | 351.0 | 384.4 | 362.7 | 282.0 | 220.1 | 189.0 | 164.3 | 3131,1 |
աղբյուր: Meteo Climate (1981–2010 Data)[6], climatetemp.info (Sun Data)[7] |
Կառավարում
Լուկայի քաղաքացիները երեք տարին մեկ ընտրում են տեղական խորհուրդ, որը բաղկացած է յոթ անդամից։ Նրանցից մեկը դառնում է քաղաքապետ։
Տնտեսություն
Air Malta և Medavia ընկերությունների գլխամասային գրասենյակները գտնվում են Լուկայի միջազգային օդանավակայանում[8][9]։
Ծանոթագրություններ
Արտաքին հղումներ
- Saint Andrew's Parish (A.D. 1634) Արխիվացված 2021-02-24 Wayback Machine
- Ħal Luqa Youth Centre (A.D. 2003)
- Luqa St. Andrew's FC (A.D. 1934)
- Saint Andrew's Band Club (L-Għaqda Mużikali Sant' Andrija - A.D. 1883)
- Union Philarmonic Society (Is-Soċjetà Filarmonika L-Unjoni - A.D. 1880)
Վիքիպահեստն ունի նյութեր, որոնք վերաբերում են «Լուկա (Մալթա)» հոդվածին։ |