Կարպաչ
Կարպաչ (լեհ.՝ Karpacz, գերմ.՝ Krummhübel), առողջարանային քաղաք և լեռնադահուկային մարզումների ու հանգստի հանգրվան Լեհաստանի հարավարևմտյան մասում՝ Ստորին Սիլեզիա վոևոդության Կարկոնոշեի շրջանում (նախկինում կոչվել է Ելենյա Գուռայի շրջան)։ Կարպաչը լեռնային արշավների, դահուկային մարզաձևերի (այդ թվում՝ դահուկային աշտարակացատկի) պարապմունքների ու մրցումների անցկացման, ինչպես նաև զբոսաշրջության կարևոր կենտրոն է Լեհաստանի ու Չեխիայի սահմանի երկայնքով ձգվող Կարկոնոշե լեռներում և ծառայում է որպես Ալպերի համապատասխան կենտրոնների այլընտրանք[2]։ Գտնվում է ծովի մակերևույթից 480-ից 885 մետր բարձրության վրա։ Նրանից դեպի հարավ՝ դեպի Չեխիայի հետ Լեհաստանի ունեցած սահմանը վեր է խոյանում Սնեժկա (Sněžka-Śnieżka) սարը, որն ունի 1602 մետր բարձրություն։
Բնակավայր | |||
---|---|---|---|
Կարպաչ | |||
| |||
Երկիր | Լեհաստան | ||
Մակերես | 38 կմ² | ||
ԲԾՄ | 480±1 մետր | ||
Բնակչություն | ▼4457 մարդ (մարտի 31, 2021)[1] | ||
Ժամային գոտի | UTC+1 և UTC+2 | ||
Փոստային դասիչ | 58-540–58-550 | ||
Պաշտոնական կայք | karpacz.ig.pl(լեհ.) | ||
2019 թվականի հունիսի 30-ի տվյալներով քաղաքի բնակչության թվաքանակը եղել է 4.593[3]:
2020 թվականից Կարպաչը հյուրընկալում է ամենամյա միջազգային տնտեսական ֆորումի մասնակիցների։
Պատմություն
Կարպաչի ներկայիս տարածքում ու շրջակայքում առաջին բնակավայրերը, ամենայն հավանականությամբ, հիմնել են կելտական ցեղերի ներկայացուցիչները մեր թվականությունից առաջ 4-ից 3-րդ դարերում[4]։
Բնակավայրը 1599 թվականին հիշատակվել է պատմական մի փաստաթղթում՝ տարածքում երկաթի ու կապարի արդյունահանման առնչությամբ[5][6]։ Այդ ժամանակաշրջանում և դրանից հետո եղել է ավստրիական Հաբսբուրգներին ենթակա Բոհեմիայի թագավորության կազմում։ 1742 թվականին պրուսացիները տիրել են բնակավայրին, և հաջորդաբար՝ 1871-ից մինչև 1945 թվականը այն գտնվել է Գերմանիայի կազմում, որից հետո Պոտսդամի 1945 թվականի պայմանագրի համաձայն փոխանցվել է Լեհաստանին։ 1895 թվականից, երբ սկիզբ է դրվել նրա երկաթուղային հաղորդակցությանը, Կարպաչի պատմությունը սերտորեն կապվել է մետաղաձուլության (մետալուրգիայի) և զբոսաշրջության զարգացման հետ։
Քույր քաղաքներ
Կարպաչը բարեկամական սերտ կապեր է հաստատել հետևյալ քաղաքների հետ[7].
Պատկերասրահ
- Եկեղեցի
- "Bachus" գինետունը
- Քաղաքի կենտրոնը
- "Mieszko" հյուրատունը
- "Samotnia" լեռնային շալեն
- Պատմական վիլլա
- "Dom Śląski" լեռնային շալեն
- Սուրբ սրտի եկեղեցին
- Սպորտի ու զբոսաշրջության թանգարանը
- Railway Station in Karpacz
- Gołębiewski հյուրանոցը
- Լոմնիցայի ամբարտակը
- Մատուռ Սնեժկա սարի լանջին
- Դահուկացատկի բլուրը՝ Orlinek-ը
Ծանոթագրություններ
Արտաքին հղումներ
- Պաշտոնական կայք (Լեհերեն)
- Karpacz and wirtual Map (Լեհերեն)
- Karpacz 360 - virtual city (Լեհերեն)
- Karpacz - Krummhübel, Karbacz, Krzywa Góra (1945 r.), Drogosławice (1946 r.) na portalu polska-org.pl (Լեհերեն)
- Karpacz- Gallery (Լեհերեն)
Վիքիպահեստն ունի նյութեր, որոնք վերաբերում են «Կարպաչ» հոդվածին։ |