Մալենա (երգչուհի)
Արփինե (Արփի) Մարտոյան (բեմական անունը՝ Մալենա, հունվարի 10, 2007[1], Երևան, Հայաստան), հայ երգչուհի-երգահան[2]։ Մանկական Եվրատեսիլ 2021 երգի մրցույթի հաղթող[3]։
Մալենա | |
---|---|
Բնօրինակ անուն | Արփի Մարտոյան |
Ի ծնե անուն | Արփինե Մարտոյան |
Ծնվել է | հունվարի 10, 2007[1] (17 տարեկան) Երևան, Հայաստան |
Երկիր | Հայաստան |
Մասնագիտություն | երգչուհի |
Գործիքներ | վոկալ |
Գործունեություն | 2018–Ներկա օրերս |
Maléna (Armenian singer) Վիքիպահեստում |
- Անվան այլ կիրառումների համար տե՛ս՝ Մալենա
Կարիերա
Մանկական Եվրատեսիլ երգի մրցույթ
2018 երգի մրցույթում Մալենան կատարել է Հայաստանը Մանկական Եվրատեսիլում ներկայացնելու իր առաջին փորձը՝ մասնակցելով Հայաստանի ազգային եզրափակչին «Պար» երգով և կիսաեզրափակչում զբաղեցնելով 8-րդ հորիզոնականը։ Նա պետք է ներկայացներ Հայաստանը Մանկական Եվրատեսիլ 2020 երգի մրցույթում «Why» («Ինչո՞ւ») երգով, սակայն երկիրը դուրս եկավ մրցույթից Լեռնային Ղարաբաղում շարունակվող պատերազմի պատճառով[4]։ Մալենան կրկին ընտրվեց հաջորդ՝ 2021 թվականին՝ «Քամի Քամի» երգով Հայաստանը Մանկական Եվրատեսիլ 2021 երգի մրցույթում ներկայացնելու (երաժշտությունը՝ Տոկիոնին, բառերը՝ Վահրամ Պետրոսյան, Տոկիոնին, Մալենա և Դավիթ Ծերունյան)[5][6][7]։ 2021 թվականի դեկտեմբերի 12-ին Մալենան հռչակվեց Wiwibloggs-ի ժյուրիի քվեարկության ֆավորիտը[8] և դեկտեմբերի 19-ին Փարիզում կայացած Մանկական Եվրատեսիլ 2021 մրցույթին զբաղեցրեց առաջին հորիզոնականը[9]։
TKN-ի հետ համագործակցություն
2020 թվականից Մալենան համագործակցում է հայկական TKN լեյբլի հետ, որտեղ աշխատում է պրոդյուսեր tokionine-ի հետ։ Վերջինս, բացի 2021թ․ Մանկական Եվրատեսիլում հաղթած Քամի Քամի երգից, հեղինակել է նաև «Walking Out» երգը, որով Սրբուկը Թել Ավիվում Եվրատեսիլ 2019 երգի մրցույթում ներկայացրել է Հայաստանը[2]։ Տokionine-ը նաև հեղիակել է Մալենայի երգերից մի քանիսը։
Անձնական կյանք
Մալենան դերասանուհի Աննա Մանուչարյանի դուստրն է[10]։ Սովորում է Երևանի Սայաթ-Նովայի անվան երաժշտական դպրոցում[5]։
Սկավառակագրություն
Սինգլներ
Որպես գլխավոր կատարող
Տարի | Անվանում | Ամենաբարձր հորիզոնականը | Ալբոմ | |||||||||
---|---|---|---|---|---|---|---|---|---|---|---|---|
Apple Music | iTunes | Deezer | ||||||||||
ARM | LBN | MKD | ARM | AUT | POL | POR | RUS | AME | LAT | |||
2018 | «Պար» (որպես Արփի) | – | – | – | – | – | – | – | – | – | – | – |
2020 | «Why» (Ինչու) | – | – | – | – | – | – | – | – | – | – | |
2021 | «Qami Qami» (Քամի Քամի) | 1 | 89 | 159 | 1 | 63 | 26 | 14 | 76 | 4 | 13 | |
2021 | «Chem Haskanum» (Չեմ հասկանում) (Քրիստինա Սիի հետ) | – | – | – | – | – | – | – | – | – | – | |
2022 | Cheri Cheri Lady[11] | _ | _ | _ | _ | _ | _ | _ | _ | _ | _ | |
2022 | Can't feel anything | _ | _ | _ | _ | _ | _ | _ | _ | _ | _ | |
2023 | Flashing lights | _ | _ | _ | _ | _ | _ | _ | _ | _ | _ | |
„–” սինգլը չի ընդգրկվել որևէ ցուցակում։ |
Երաժշտական տեսահոլովակներ
Կոչում | Տարի | Ռեժիսոր |
---|---|---|
Never have i ever | 2024 | |
Flashing lights | 2023 | |
Cheri Cheri Lady[11] | 2022 | |
Can't Feel Anything | 2022 | |
«Քամի Քամի» | 2021 | Արթուր Մանուկյան |
Արտաքին հղումներ
- Մալենայի կենսագրությունը www.junioreurovision.tv կայքում
Ծանոթագրություններ
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մալենա (երգչուհի) կատեգորիայում։ |