Մասնակից:Ավետ Ծատուրյան/Ավազարկղ 8
Ավետ Ծատուրյան/Ավազարկղ 8 |
---|
Kep1er (կորեերեն՝ 케플러, կարդացվում է որպես Կեպլեր, նաև հայտնի որպես Kepler), հարավկորեական համաշխարհային գըրլ-բենդ՝ ձևավորված 2021 թվականին «Girls Planet 999» ռեալիթի շոուի միջոցով, որը գոյություն է ունենալու 2,5 տարի: Խումբը բաղկացած է 9 անդամից՝ Յուջին, Սյաոտին, Մաշիրո, Չահյուն, Դայոնգ, Հիկարու, Բահի, Յոննըն և Յեսո[1]։ Նրանք դեբյուտով հանդես են եկել 2022 թվականի հունվարի 3-ին՝ իրենց առաջին «First Impact» մինի ալբոմով։
2022 թվականի հունվարի 3-ին «Swing Entertainment»-ի և «Wake 1 Entertainment»-ի ներքո դեբյուտով հանդես գալուց հետո[2], Kep1er-ը անմիջապես հասավ հաջողության, քանի որ խմբի դեբյուտային մինի ալբոմից առաջին 24 ժամվա ընթացքում վաճառվեց 150,153 օրինակ՝ դառնալով հարավկորեական «Hanteo» չարթերի պատմության մեջ ամենաբարձր ցուցանիշ ունեցող աղջիկների խումբը[3]։
Անվանում
«Kep1er»-ն առաջարկվել և ստեղծվել է շոուի հեռուստադիտողների կողմից «Naver» կայքի միջոցով։ «Kep1er» անունը երկու բառի համակցություն է՝ «Kep», որը վերաբերում է նրանց երազանքների պահպանմանը, և «1» համարը, որը նշանակում է, որ բոլոր անդամները միավորվում են դառնալով մեկ ամբողջություն։ Անունը գալիս է Յոհան Կեպլերից և նրա՝ մոլորակների շարժման օրենքներից։ Կեպլերը գերմանացի աստղագետ և մաթեմատիկոս էր, ով ապրել է 16-17-րդ դարերում։
Պատմություն
Նախադեբյուտ
Kep1er-ը ձևավորվել է որպես «Girls Planet 999» ռեալիթի շոուի մի մաս Mnet հեռուստաաիլքով, որը հեռարձակվել է 2021 թվականի օգոստոսի 6-ից հոկտեմբերի 22-ը։ Շոուն ներկայացրեց 99 թրեյնի Չինաստանից, Ճապոնիայից և Հարավային Կորեայից՝ մրցելու համաշխարհային աղջիկների խմբում դեբյուտով հանդես գալու իրավունքի համար[4]: 2021 թվականի հոկտեմբերի 22-ին շոուի վերջին էպիզոդի ուղիղ հեռարձակման ժամանակ հայտարարվեց ապագա խմբի կազմը, որոնց թվում էին Կիմ Չայ Հյուն, Հուենին Բահին, Չոյ Յուջինը, Կիմ Դայոնը, Սեո Յոն Յունը, Քան Յեսոն, Էզակի Հիկարուն, Սակամոտո Մաշիրոն և Շեն Սյաոտինը:
Շոուի մեկնարկից առաջ վերջնական կազմի մի քանի անդամներ ակտիվորեն ներգրավված էին զվարճանքի ոլորտում: Կանգ Եսոն վաղ տարիքից դերասանուհի է եղել և դեբյուտով հանդես է եկել «CutieL» մանկական խմբում 2010 թվականին՝ նախքան 2019 թվականին «Busters»-ին միանալը։ 2020 թվականին Եսոն հեռացավ թիմից[5]։
Չհվե Յուջին 2015 թվականին մարտի 19-ին դեբյուտով հանդես է եկել «Cube Entertainment»-ի «CLC» աղջիկների խմբի հետ[6]։
Շեն Սյաոտինգը և Քիմ Դայոնը նախկինում մասնակցել են գոյատևման այլ շոուների: Դայոնը մասնակցել է Mnet-ի «Produce 101», «Produce 48» ռեալիթի շոուի երրորդ եթերաշրջանին 2018 թվականին՝ ներկայացնելով «CNC Entertainment»-ը։ Նա դուրս մնաց առաջին շրջանում՝ զբաղեցնելով 70-րդ տեղը[7]։ Շոուից հետո Քիմ Դայոնը լքեց «CNC Entertainment»-ը և պայմանագիր կնքեց «Stardium Entertainment»-ի հետ, բայց նորից հեռացավ այն բանից հետո, երբ նրա դեբյուտը չեղարկվեց[8]: Սյաոտինը ներկայացնում էր իր «Top Class Entertainment»-ը Չինաստանի «Produce Camp 2020»-ում: Նա դուրս մնաց առաջին շրջանում՝ զբաղեցնելով 80-րդ տեղը: Շեն Սյաոտինը նաև եղել է պարահանդեսային և ժամանակակից պարերի պարուհի՝ շահելով ոսկե մեդալ Շանհայում անցկացված ժամանակակից պարերի մրցույթում և զբաղեցնելով վեցերորդ տեղը աշխարհում՝ բրիտանական մրցույթում[9]:
Սակամոտո Մաշիրոն «JYP Entertainment»-ում 2016-2018 թվականներին թրեյնի է եղել: 2017 թվականին ուրիշ աղջիկ թրեյնիների հետ պայքարել է տղաների թիմի՝ Stray Kids-ի դեմ, «Mnet»-ի կողմից ռեալիթի շոույի առաջին էպիզոդում, սակայն պարտվեց[10]։
2021 թվական․ մեր ժամանակներ։ Դեբյուտ «First Impact»-ի հետ
2021 թվականի հոկտեմբերի 22-ին, «Girls Planet 999»-ի ավարտից հետո, բացվեցին խմբի Թվիթթերյան, Ինստագրամյան և Ֆեյսբուքյանէջերը[11]: Նրանք նաև տեղադրեցին թիզերը, ցուցադրվել է պաշտոնական պատկերանշանը, որը նախկինում ցուցադրվել էր շոուի վերջին էպիզոդի ժամանակ[12]:
Հոկտեմբերի 25-ին «Naver»-ում հոդված է հրապարակվել, որում ասվում է, որ խումբը կգործի մոտակա երկուսուկես տարին և այժմ սկսում է դեբյուտային ալբոմի նախապատրաստական աշխատանքները:
«Kep1er»-ի դեբյուտը ի սկզբանե նախատեսված էր 2021 թվականի դեկտեմբերի 14-ին իրենց առաջին մինի ալբոմով՝ «First Impact»-ով, որի նախնական պատվերները կսկսվեին նոյեմբերի 29-ին[13]: Նրանք նաև պիտի ելույթ ունենային 2021 թվականի դեկտեմբերի 11-ին «Mnet Asian Music Awards»-ում: Այնուամենայնիվ հայտարարվեց, որ խմբի ծրագրված դեբյուտը հետաձգվել է մինչև 2022 թվականի հունվարի 3-ը, քանի որ նրանց անձնակազմից մեկի COVID-19-ի թեստի պատասղանը դրական է եղել[14][15]: Նրանց ելույթը 2021 «Mnet Asian Music Awards»-ում նույնպես չեղարկվել էր: Դեկտեմբերի 14-ին հաղորդվեց, որ խմբի անդամներ Մաշիրոյի և Սյաոտինգի COVID-19-ի թեստը դրական է եղել։ Դեկտեմբերի 26-ին «Kep1er»-ը հայտարարեց, որ Սյաոտինը և Մաշիրոն լիովին ապաքինվել են COVID-19-ից[16]:
2022 թվականի հունվարի 3-ին «Kep1er»-ը թողարկեց իր դեբյուտային մինի ալբոմը՝ «First Impact»՝ «Wa Da Da» գլխավոր սինգլով[17][18]: Հունվարի 10-ին Չեյհյունը հայտարարվեց որպես «SBS MTV» երաժշտական ծրագրի՝ «The Show»-ի նոր հաղորդավար «Cravity» խմբի Մինհիյի հետ միասին[19]: Հունվարի 13-ին «Kep1er»-ը ստացավ իրենց առաջին մրցանակը «M Countdown» երաժշտական շոուի ժամանակ «Wa Da Da» երգի համար[20]:
Մասնակիցներ
Կարգ[21] | Իրական անուն | Ծննդյան ամսաթիվ | Պաշտոնը խմբում | Գործակալություն | |
---|---|---|---|---|---|
Հայերեն | Հանգըլ/Կանձի/Հանջա | ||||
3 | Չհվե Յու Ջին | 최유진 | 12.08.1996 | Առաջնորդ | CUBE Entertainment |
9 | Շեն Սյաոտին | 沈小婷 | 12.11.1999 | Top Class Entertainment | |
8 | Սակամոտա Մաշիրո | 坂本 舞白 | 16.12.1999 | Համաառաջնորդ | 143 Entertainment |
1 | Քիմ Չե Հյոն | 김채현 | 26.04.2002 | Կենտրոն | WAKEONE Entertainment |
4 | Քիմ Դա Յոն | 김다연 | 02.03.2003 | Jellyfish Entertainment | |
7 | Էզակի Հիկարու | 江崎 ひかる | 12.03.2004 | Avex Artist Academy | |
2 | Հյունին Բահի | 휴닝바히에 | 27.07.2004 | IST Entertainment | |
5 | Սո Յուն Ըն | 서영은 | 27.12.2004 | Biscuit Entertainment | |
6 | Կան Յե Սո | 강예서 | 22.08.2005 | Մակնե | 143 Entertainment |
Համագործակցություն
2022 թվականի փետրվարի 15-ին «Kep1er»-ը դարձավ հարավկորեական «S2ND» կոսմետիկ ապրանքանիշի մոդել[22]։
Սկավառակագրություն
- First Impact (2022)