Մարց (Լոռու մարզ)

Անվան այլ կիրառումների համար տե՛ս՝ Մարց (այլ կիրառումներ)

Մարց, գյուղ Հայաստանի Հանրապետության Լոռու մարզի Թումանյան համայնքում^[1]։

Գյուղ
Մարց
Երկիր	Հայաստան
Մարզ	Լոռու մարզԼոռու մարզ
Գյուղ	Թումանյան համայնք[1]
Գյուղապետ	Ռոբերտ Գալստյան[2]
ԲԾՄ	1050 մ
Պաշտոնական լեզու	Հայերեն
Բնակչություն	496[3] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Մարց Վիքիպահեստում

Գտնվում է Մարց գետի ափին, Ալավերդի քաղաքից մոտ 15 կմ հարավ-արևելք։ Բարձրությունը ծովի մակերևույթից՝ կազմում է 1050 մ, հեռավորությունը մարզկենտրոն Վանաձորից՝ 33 կմ հյուսիս-արևելք։

Բնակչությունը զբաղվում է անասնապահությամբ, կերային կուլտուրաների մշակությամբ և պտղաբուծությամբ։ Գյուղի շրջակայքում կան քսանից ավելի ավերակ գյուղատեղիներ (Մոտկոր, Ագադակ, Դեղձուտ, Զազի տներ և այլն)։ Գյուղի կենտրոնական մասում գտնվում է «Սուրբ Նշան» կիսավեր եկեղեցին, իսկ գյուղից 5 կմ հարավ-արևելք` Իգատակի վանքը, որից մնացել է միայն անմշակ քարերով պատված եկեղեցին (1255 թ.): Մարցում և շրջակայքում պահպանվել են նաև միջնադարյան մատուռներ (XIII-XIV դդ.), խաչարձաններ (XIII դդ.) և խաչքարերով (XIII-XVII դդ.) հարուստ գերեզմանոցներ։