Միքայել Հրեշտակապետի տաճար (Նիժնի Նովգորոդ)

Միքայել Հրեշտակապետի տաճար;
Հիմնական տվյալներ
Տեսակ	եկեղեցի, ուղղափառ տաճար, տեսարժան վայր և ճարտարապետական հուշարձան
Երկիր	Ռուսաստան
Տեղագրություն	Նիժնի Նովգորոդ
Դավանանք	Ռուս ուղղափառ եկեղեցի
Թեմ	Nizhny Novgorod Eparchy?
Հիմնական ամսաթվերը	1628
Մասն է	Nizhny Novgorod Kremlin?
Ժառանգության կարգավիճակ	Ռուսաստանի մարզային նշանակության մշակութային ժառանգության օբյեկտ
Նվիրված	Միքայել Հրեշտակապետ
Անվանված	Միքայել Հրեշտակապետ
Ճարտարապետական ոճ	ռուսական ճարտարապետություն
Հիմնադրված	1628
Շինանյութ	ապար
	Saint Michael the Archangel Church (Nizhny Novgorod) Վիքիպահեստում
	amnne.cerkov.ru

Միքայել Հրեշտակապետի տաճար (ռուս.՝ Миха́йло-Арха́нгельский собор), 17-րդ դարի վրանային ճարտարապետության հուշարձան Նիժնեգորոդյան կրեմլի տարածքում։ Նիժնի Նովգորոդի հնագույն քարե տաճար, որի պատմությունը սկսվում է քաղաքի հիմնադրման օրվանից^[2]։ Տաճարը օծվել է ռուսական բանակի հովանավոր Միքայել Հրեշտակապետի պատվին։

Պատմություն

1221 թվականին կառուցվեց փայտե տաճարը, իսկ 1227 թվականին դրվեցին 4 հենասյուներով եռապսիդ, երեք նախասրահով սպիտակ քարե տաճարի հիմքերը^[2], որն ամբողջությամբ վերակառուցվեց 1359 թվականին^[2]։ 1628 թվականի ապրիլի 23-ին (մայիսի 3-ին) ճարտարապետներ Լավրենտի Սեմյոնովի և Անտիպի ղեկավարությամբ սկսվեց գոյություն ունեցող շենքի վերակառուցումը։ Վերակառուցման աշխատանքներն իրականացվեցին Նիժնեգորոդյան աշխարհազորի հիշատակին և ավարտվեցին 1631 թվականին^[3]։

1704 թվականի կրեմլյան հրդեհի հետևանքով Հրեշտակապետի տաճարը վնասվեց^[3]։ Ծառայությունները վերսկսվեցին իրականացվել 1732 թվականի մարտի 18 (29)-ից, իսկ տաճարը կրկին օծվեց Նիժնի Նովգորոդի արքեպիսկոպոս Պիտիրիմի կողմից^[3]։

1962 թվականին Սվյատոսլավ Աղաֆոնովի ղեկավարությամբ իրականացված ռեստավրացիայից հետո տաճար տեղափոխվեց Կուզմա Մինինի աճյունը, որը նախկինում գտնվում էր ավերված Փրկչի Փոխակերպման տաճարում^[4]։

2006 թվականի փետրվարի 16-ին Ռուսաստանի նախագահ Վլադիմիր Պուտինը պաշտոնական այցով ժամանեց Նիժնի Նովգորոդ։ Նա այցելեց Նիժնի Նովգորոդի կրեմլ և ծաղիկներ դրեց տաճարի հանգստարանում գտնվող Կուզմա Մինինի գերեզմանին^[5]։

2008 թվականին տաճարից ոչ հեռու կանգնեցվեց իշխան Յուրի Վսեվոլոդովիչի և եպիսկոպոս Սիմոն Սուզդալսկու հուշարձանը։ Բացումը տեղի ունեցավ փետրվարի 17-ին, այդ օրը Նիժնի Նովգորոդի բոլոր եկեղեցիներում մատուցվեց տոնական պատարագ, իսկ հուշարձանը օծեց Նիժնի Նովգորոդի արքեպիսկոպոս Գեորգի Արզամասսկին։

2009 թվականի մարտի 16-ին Նիժնի Նովգորոդի օրենսդիր ժողովի պատգամավորների կողմից Միքայել Հրեշտակապետի տաճարին նվիրաբերվեց 9 զանգեր^[6]։ 2009 թվականի մարտի 26-ին տաճարի զանգակատանը տեղադրվեց ամենամեծ զանգը^[7], որի քաշը 530 կիլոգրամ էր։

2009 թվականի սեպտեմբերին տաճար այցելեց Մոսկվայի և համայն Ռուսիո պատրիարք Կիրիլը և հարգելով հայրենասեր Կուզմա Մինինի հիշատակը կատարեց հոգեհանգստյան պատարագ^[8]։ Ի հիշատակ իր այցելության պատրիարքը տաճարին նվիրաբերեց Աստվածամոր Կազանյան սրբապատկերը^[8]։