Յասնա Շեկարիչ
Յասնա Շեկարիչ (սերբերեն՝ Jasna Šekarić, կյուրեղագիր սերբերեն՝ Јасна Шекарић, դեկտեմբերի 17, 1965[1], Բելգրադ, ՀՍՖՀ[1]), սերբ սպորտային հրաձիգ, որն իր մարզական երկարամյա կարիերայի ընթացքում նվաճել է օլիմպիական հինգ մեդալ՝ մեկ ոսկե, երեք արծաթե և մեկ բրոնզե[2]։ Բացի այդ, երեք անգամ հռչակվել է աշխարհի չեմպիոնուհի՝ հաղթանակներ տանելով 10 մետր մրցատարածությունից օդամղիչ ատրճանակով հրաձգության մրցումներում։ 1992 թվականի ամառային օլիմպիական խաղերում բախտի քմահաճույքով զրկվել է ոսկե մեդալից և ստիպված է եղել բավարարվել արծաթե մեդալով, թեև վաստակել էր ճիշտ նույնքան միավոր, որքան օլիմպիադայի հաղթող հռչակված Մարինա Լոգվինենկոն։
Յասնա Շեկարիչ | |
---|---|
Անձնական տեղեկություն | |
Սեռ՝ | իգական[1] |
Բնօրինակ անուն՝ | սերբ.՝ Јасна Шекарић |
Մասնագիտացում՝ | սպորտային հրաձիգ |
Երկիր՝ | Սերբիա, Հարավսլավիա և ՀՍՖՀ |
Ծննդյան ամսաթիվ՝ | դեկտեմբերի 17, 1965[1] (58 տարեկան) |
Ծննդավայր՝ | Բելգրադ, ՀՍՖՀ[1] |
175 սանտիմետր | |
Քաշ՝ | 70 կիլոգրամ |
Յասնա Շեկարիչն այն եզակի մարզիկներից մեկն է, որին հաջողվել է մասնակցել ոչ ավել, ոչ պակաս՝ յոթ օլիմպիական խաղերի։
Անձնական կյանք
Յասնան ամուսնալուծված է։ Ունի երկու զավակ, դստերն անվանել է Լեա (Леа), որդուն՝ Լուկա (Лука)[3]:
Նվաճումներ
Շեկարիչը քանիցս հռչակվել է Հարավսլավիայի Դաշնային Սոցիալիստական Հանրապետության, Խորվաթիայի, Հարավսլավիայի Դաշնային Հանրապետություն, Սերբիա և Չեռնոգորիա պետական կազմավորումների և Սերբիայի լավագույն մարզուհի, ինչպես նաև՝ լավագույն հրաձիգ։ 1988 և 1994 թվականներին էլ հռչակվելով Հարավսլավիայի լավագույն մարզիկ՝ արժանացել է JSL Sport պարբերականի սահմանած մարզական գլխավոր պարգևին՝ ոսկե երկու կրծքանշանի[4]։ 2008 թվականի ամառային օլիմպիական խաղերի բացման հանդիսավոր արարողության ժամանակ նրան է տրվել հայրենի երկրի դրոշը կրելու բարձրագույն պատիվը։ Հաշվի առնելով Յասնայի մարզական նվաճումները՝ նրա անունը գրանցել են մարզական հրաձգության ոսկե գրքում։
Ուշագրավ է այն փաստը, որ Շեկարիչը, առանց իր ազգությունը փոխելու, վեց տարբեր օլիմպիադաներում մրցելույթներով հանդես է եկել չորս տարբեր պետությունների դրոշների ներքո[2], ճիշտ այնպես, ինչպես սերբ-ամերիկյան սեղանի թենիսիստ Իլյա Լուպուլեսկուն (թեև այն էլ պետք է ասել, որ վերջինս իր ազգությունը փոխելու գործընթաց էր ձեռնարկել)[5]։
Օլիմպիական արդյունքներ
Մրցաձևը/Տարեթիվը | 1988 | 1992 | 1996 | 2000 | 2004 | 2008 | 2012 |
---|---|---|---|---|---|---|---|
25 մետր հեռավորությունից, ատրճանակից (գրաված տեղը, վաստակած միավորները) | Բրոնզ 591+95 | 6-րդ 583+93 | 6-րդ 580+100.4 | 17-րդ 577 | 9-րդ 579 | 21-րդ 578 | 18-րդ 579 |
10 մետր հեռավորությունից, օդամղիչ ատրճանակից (գրաված տեղը, վաստակած միավորները) | Ոսկի 389+100.5 | Արծաթ 389+97.4 | 4-րդ 384+103.1 | Արծաթ 388+98.5 | Արծաթ 387+96.3 | 6-րդ 384+96.9 | Կաղապար:Sortdash |
Ծանոթագրություններ
Արտաքին հղումներ
Ռեկորդներ | ||
---|---|---|
Նախորդող՝ Anke Schumann {{{2}}} Svetlana Smirnova | Women's 10m air pistol final world record holder 1987 – 1989 1996 – 1998 | Հաջորդող՝ Lieselotte Breker Svetlana Smirnova |
Պարգևներ | ||
Նախորդող՝ Mateja Svet Igor Miladinović | The Best Athlete of Yugoslavia 1988 1994 | Հաջորդող՝ Dragomir Bečanović Aleksandar Đorđević |
Նախորդող՝ Mateja Svet | Yugoslav Sportswoman of the Year 1988 | Հաջորդող՝ Mateja Svet |
Նախորդող՝ Biserka Perman | Croatian Sportswoman of the Year 1986–1989 | Հաջորդող՝ Biljana Petrović |
Սպորտային ձեռքբերումներ | ||
Նախորդող՝ Dejan Bodiroga (for Կաղապար:SCG) | Flagbearer for Սերբիա 2008 Beijing | Հաջորդող՝ Novak Djokovic |
Վիքիպահեստն ունի նյութեր, որոնք վերաբերում են «Յասնա Շեկարիչ» հոդվածին։ |