Յոկյուլսաուրգլյուվյուր

Յոկյուլսաուրգլյուվյուր (իսլ.՝ Jökulsárgljúfur), ազգային պարկ Իսլանդիայում։ Բացվել է 1973 թվականին, իսկ 2008 թվականի հունիսի 7-ին դարձել է Վատնայոկյուդլ ազգային պարկի մի մասը^[1]։ Պարկը տեղակայված է Իսլանդիայի հյուսիսում, Յոկյուլսաու-այ-Ֆյոդլյում գետի մոտ, Դեթիֆոս ջրվեժից ոչ հեռու, որը խոշորագույններից մեկն է Եվրոպայում։ Պարկը զբաղեցնում է 15000 հա տարածք։

Յոկյուլսաուրգլյուվյուր Jökulsárgljúfur
Տեսակ	ազգային պարկ
Երկիր	Իսլանդիա
Վարչատարածք	Էյստյուրլանդ
Հիմնվել է	1973
Մակերես	150 կմ²

Այս այգին գրավում է հրաբխային լեռների և կիրճերի բազմազանությամբ և եզակիությամբ։ Ութ հազար տարի առաջ մի հրաբուխ առաջացավ անմիջապես գետի տակ և հզոր ժայթքման հետևանքով ժայռերի, գոլորշու և ջրի խառնուրդից ձևավորվեց այն, ինչ այժմ կոչվում է Յոկյուլսաուրգլյուվյուր։

Այգու կենտրոնը Էկո ժայռն է (իսլ.՝ Hljóðarklettar): Այգու ամենագեղեցիկ լեռը Կարմիր լեռն է (իսլ.՝ Rauðholar), որն իր անունն է ստացել անսովոր կարմիր գույնի պատճառով, ինչը կապված է երկաթի պարունակությամբ։

Այգու այլ տեսարժան վայր կարելի է համարել հյուսիսային հատվածում տեղակայված Աուսբիրգի կիրճը, որն իր կառուցվածքով շատ նման է ձիու պայտի։

Ազգային պարկը պատկանում է մասնավոր սեփականատիրոջ։