Նավադա
Նավադա (անգլ.՝ Nawada, հինդի՝ नवादा), քաղաք Հնդկաստանի Բիհար նահանգում։ Նույնանուն շրջանի վարչական կենտրոնն է։ Անվանումն առաջացել է սանսկրիտական Nau-abad արմատների միացումով և նշանակում է նոր քաղաք[1]։ Նավադան ջայնիզմի հիմնադիր Մահավիրայի (մ. թ. ա. 540-մ. թ. ա. 468) գլխավոր աշակերտ Ինդրաբուտի Գաուտամայի ծննդավայրն ու աշխատավայրն էր։ Մոտավորապես 40 կիլոմետր հեռավորության վրա է գտնվում Նալանդա համալսարանը, որը համարվում է աշխարհի հնագույն համալսարանը։ Նավադայի կարևոր կրթօջախներից են ճարտարագիտական քոլեջը[2] Nawada Vidhi Mahavidyalaya[3],, Rajendra Memorial Women's (RMW) իգական քոլեջը[4], Kanhai Lal Sahu (KLS) քոլեջը[5]։
| Բնակավայր | ||
|---|---|---|
| Նավադա | ||
 | ||
| Երկիր |  Հնդկաստան | |
| ԲԾՄ | 80±1 մետր | |
| Ժամային գոտի | UTC+5:30 | |
| Հեռախոսային կոդ | 6324 | |
| Փոստային դասիչ | 805110 | |
| ||
Աշխարհագրություն
Ծովի մակերևույթից բացարձակ բարձրությունը 79 մետր է[6]։
Ժողովրդագրություն
2011 թվականի մարդահամարի տվյալներով բնակչության թվաքանակը եղել է 180.740[7], 2013 թվականի տվյալներով՝ 131 844[8]: Տղամարդկանց և կանանց քանակական հարաբերակցությունը 100:957 է: Գրագիտության մակարդակը՝ 74 տոկոս՝ համահնդկական 63,5 տոկոսի դիմաց։
Քաղաքի բնակչության թվաքանակի փոփոխություններն ըստ տարիների.
| 1991 | 2001 | 2013 |
|---|---|---|
| 53 174 | 81 891 | 131 844 |
Տրանսպորտ
Նավադայի միջով են անցնում ազգային № 31 և նահանգային № 8 ավտոմայրուղիները։ Քաղաքը երկաթգծով կապված է Գայա, Մունգեր, Բհագալափուր, Կալկաթա և այլ բնակավայրերի հետ։ Մերձակա օդանավակայանները գտնվում են Գայայում (54 կմ) և Պատնայում (90 կմ)։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Նավադա» հոդվածին։ |